|
||
traffik e maa u e frou lige zäme zmitts im chleefäud u sie lüpft ihre rock u är zieht esch d'hose abe d'sunne schiint u es isch schön u warm nume dr see fäut aber sie wei gar nid ga bade sie fö afa schmuuse u jitz gseht me se vo nöcher är het e schnoutz u e roti zunge är küsst se überau u ihre rock rütscht immer höcher jitz küsst'r se bim buuchnabu unge sie schüttlet ihri haar u faat liislig afa schtöhne u ihri länge fingernägu grabe sech i sini blonde haar sie zieht ne zue sech ufe u jitz fö sie afa schwitze me gesht se jitz vo obe u chunnt zersch gar nid druus är ligt im chlee uf em rügge - sie isch obedruff am sitze 's gseht irgendwie no schportlech us jitzt wird's herter lüter schneuer u me gseht's vo aune site hut u haar u himu u e hammond-orgele wo schpiut är chnöilet jitz so haub u sie isch immer no am rite u jitz wird's ziemli wiud u vo obe über ds biud flügen e huuffe farbigi ballön u es paar viicher wo chöi rede finge irgend sone nöie toyota no schön back to top i schänke dr mis härz d'szene isch e chliini bar irgendwo i dere schtadt u i bschteue e whiskey u hocke irgendwo ab wos grad platz het u luege echli ume wär so umenang hocket aber kenne tueni nimer hie inne überau hocke lüt hinger de schampuschüble geng e frou u e typ u nippe am ne flüte u hange anenanga u rede öppis über nüt u nume i bi allei hie u da wächsletds liecht u hie u da verschwinde wieder zwöi irgendwo u irgendeinisch geit hinde e dunkelblaue vorhang uf hinger em vorhang het's e bühni u uf dr bühni schteit e frou wo i de ungerhose irgendsone schou zeigt i luege so chli zue u i hocke so chli da u gschpüre plötzlich dassi irgend sone hang ufem chnöi ha u dräiie mi um u näbe mir hocket eini won i nie vorhär ha gseh u fragt öbi alleini sig u sie sig o allei u i söu nid überlege u i gfau i're no so u sie wöu eifach echli rede u villecht sött i hie no säge sie gseht schön us - sie isch e schöni mit schöne länge haar u klar bin i närvös worde u klar han i trunke u mit jedem schluck het sie mi no chli schöner afa dünke u nach jedem glas champagner het sie geng no eis wöue u i ha zaut u zaut bis i eifach nümm ha chönne u ha gseit: hey wei mr nid zu mir oder so u sie het gseit: i chönnt di so verwöhne u so ire haub schtung chönnt i cho u jitz säg mr eifach nume no wieviu - säg wieviu - wieviu gisch mr wenn i chume i schänke dr mis härz meh han i nid du chasch es ha we de wosch es isch es guets u es git no mängi wo's würd näh aber dir würd i's gä back to top prinz die schtifu wo du dinne schteisch si irgendwenn e chue gsii u d'fläsche uf em tisch isch vorhär 17 jahr zue gsii u ds grosi wo serviert isch irgendwenn e chliine goof gsii aues wo hütt wieder hip isch isch geschter no doof gsii hie wo hütt dä schpunte schteit het's früecher mau es fäud gha dr werner het bis vor paar jahr no ziemli huuffe gäud gha dr röfe isch tot - dr thömu isch tot - sie si beidi scho lang gschtorbe u niemer cha dr säge was us dene no wär worde am morge we dr wecker geit isch aus nume e troum gsii dr schtueu unger dim arsch isch irgendwenn e schöne boum gsii dr ferdindan isch gschtorbe - süsch hätt me ne kaschtriert u we dr fahrer nid wär blind gsii wär dr unfau nid passiert i ha früecher es paar heude gha - i ha se irgendwenn vergässe chasch e ganze tag ir chuchi schtah - ire viertuschtung isch's gfrässe du chasch dis ganze läbe warte - bruuchsch di niemeh eim z'verschänke u irgendeinisch bisch im autersheim am schiffli versänke du chasch warte bis de schwarz wirsch aber glub mr dä chunnt nümm es chunnt aus eso wie's chunnt u irgendwenn isch's nümm so schlimm u irgendwenn chunnt wieder eine u irgendwenn isch dä nümm da we jedi wäge jdeme depp wett ids chloschter gah du chasch gloube was de wosch u du chasch gloube dä isch's gsii u du schasch gloube s'chönni nie mit em ne andere so sii u irgendwenn schteit eine vor dr - u vilecht geit's haut es paar jährli u när ghörsch plötzlich wieder giige u trumpete wie im märli gloub doch was de wosch aber irgendwenn wosch's wieder wüsse u we d'e prinz wosch muesch haut villecht zersch no zwedrei frösche küsse back to top blues jitz geit's mr wieder viu viu besser i han e wohnig wo mr gfaut u i ha mr e meersou gkouft u irgendwenn hani begriffe dass es witergeit d'zit isch en auti maschine wo louft u louft u louft u jitz loufen i wieder mit mau chli füre u mau chli zrügg u bi mau chli hie u da u gumpe drii u wieder druus i loufe eifach so chli mit u bi geng grad e haube schritt am blues voruus chumm mach dr mau um mi nid z'viu gedanke es isch doch schön gsii u beröiie teun'i nüt höchschtens das wo när no aus isch cho - das hött i nid bruucht aber gloub mr jitz bin i wieder ziemli bi de lüt - gloub mr jitz bin i wieder viu viu besser druffe i rasiere mi wieder u trinke nume no ir nacht - i flicke jede zwöit tag d'stereoalag vore nachbarin wo äuä nidemau di hätt iiversüchtig gmacht back to top zorro am morge hockt'r meischtens uf em badwannerand i sim gschtreiffte pijama mit em zahnbürschtli ir hand u ghört wie geng wie ir wohning obedrann dr wecker geit u när geit'r i d'chuchi u chochet sech schnäu no nes chacheli kafi u voruse isch es häu u d'sunne schiint u es fröitne dass ändlech dr summer chunnt när geit'r meischtens uf ds dram u när fragt'r sech immer öb'r ds gas jitz het abträäit oder ds liecht het la brönne u am helvetiaplatz schtigt'r us u chouft sech dr blick un es pächli marylong u när louft'r z'düruuf bim gianni sim lädeli vrbii u bir metzg u bim merkur u dert schufle sie chli uf ere bouschteu unger de tramschiene dräck umenang u de hockt'r im büro uf sim platz u vis-à-vis hockt en angere maa mit ere glatze wo scho glii pensioniert wird - sie si duzis u schaffe bedi scho länger dert u när sortiert'r irgendöppis u redt nid viu u am mittag isst'r meischtens im burgereziel im gärtli under de chegeleböim es menu allei am ne tisch u när mues'r wieder los u när hockt'r wieder da u irgendwenn am namitag lütet meischtens sinsi muetter a u fragt ne wie's ihm geit u vozeut u verzeut u är sortiert irgendöppis drzue u öppis nach de füfe schteit'r wieder im tram u nach de nüüne schteeit'r meischtens im ne pärkli umenang mit sim rägemantu an u mit sim däge i dr hand a morge hockt'r meischtens uf em badwannerand i sim gschtreiffte pijama mit em zahnbürschtli ir hand u d'sunne schiint u es fröit ne dass ändlech dr summer chunnt back to top hanspeter umehange - umeschtah wär seit wohäregah wär seit wo's düregeit was isch wo agseit wäre fahrt mit welem mit är het e heisse schlitte är isch ne sowieso hanspeter - i wott mitcho.... är findets heiss we me si name uf franzäsisch seit är isch es gräui erschiinig öb'r hocket oder schteit 2 meter ohni rouschueh dermasse bi figur e maa wienes ärdbebe steu dr mau vor du loufsch mit dim meitschi dür d'schpitugass u ihri aute si am see u sie verzeut grad dass daheim e fläsche rosé im chüeuschrank schteit u re ds puff i dere schtadt uf e wecker geit u jitz nimmsch none biss vo dim whoppercheese u überleisch dr scho mau rein präventiv was di dene i dr bude seisch we d'morn am morge ufschtisch u weisch dass d'di jitz lieber no zu ihre leisch jitz wosch ere grad säge wo dis velo schtei u merksch wie dr dr whopper uf d'sandale gheit ghörsch reiffe quiitsche gsehsch zwedrei meter chrom u bläch u drinn dr hanspeter u du gsehsch wie sie iischtigt wie sie näbenang hocke är isch dr king - du hesch dr burger i de socke hanspeter früecher oder schpäter chunnt dr hanspeter hanspeter i warne di hanspeter i hasse di hanspeter u nid nume i hanspeter gang furt vo hie back to top entwickligsschtück me gseht se nümm so viu ir schtadt öppen am sunntig mau im tierpark är schtosst dr wage - sie fuetteret d'büffle u di chliini grännet u schiesst dr nuggi furt är bückt sech u är gseht chli komisch us villecht isch's dr teddybär i sim hosesack är list dr nuggi uf u tuet ne dr chliine wieder ine u die grännet u grännet u hört nümme uf u jitze wird är ganz nävös u laat dr chinderwage schtah sie het erwarme - nimmt die chliini i d'arme u die wird plötzlich schtiu u lachet ds mami a sis schnäue outo het är immer no u so schön wie's isch - es ligt jitz nümme dinn u mit däm chindersitz isch's nume no haub so schpitz sie findet's sowieso e witz u wet lieber non es ching dür d'wuche schteit är hinderem gmüesregau är schafft im lade wo sim schwager ghört u dä kennt'r no vor schueu u het ne nid nöge schmöcke het ne nidemau beachtet u jitze isch es umgekehrt aber är verchouft das gmües mit charme är het geng e schpruch parat är lachet mit de dame - kennt jedi bim name da chunnt dr schwager us em lager u si charme gheit i chopfsalat es isch truurig - es isch wahr u me würd ne fasch nümm kenne dr rebeu hingerem gschteu - hanspeter jitz bisch ne nümme back to top so wie denn i däm summer hey du - dini tochter - gäu die het's nech doch denn ziemli zügi inegschneit i ha das gar nid richtig tschegget u es het mi denn o nich so intressiert i has de irgendwenn erfahre u ha grächnet u ha schtuunet wie doch d'zit vergeit u bi när erhlechgseit no froh gsii dass das usgrächnet dir u nid mir scho mit ihre isch passiert mängisch bruucht's wenig dass öppis so chunnt oder so - nume chli früecher oder schpäter u aues wär hütt geng no so wie denn i däm summer vor churzem isch die chliini mau cho lüte - sie het für d'schue irgend eso abzeiche verchouft sie het mir locker überschnuret u het schprüch gmacht - gäu die het sie garantiert vo dir es isch komisch gsii - i ha se sofort kennt - schon nume au die tüüre chleider wo sie drinne umelouft sie isch mr irgendwie bekannt vorcho - vorauem ds chini ds muu u d'ouge het sie gloub vo mir back to top i ha di gärn gha i ha di gärn gha u du hesch gärn mis gäud usgä bisch jede aabe uf bärn oder i ds schoppyland u immer die type - i ha jedesmau gmerkt we de wieder hesch gloge mängisch si sie cho lüte u mängisch hesch nid emau ds bett früsch azoge oh meitschi - i ha di gärn gha - i ha glitte wiene hung u ha gliich nüt gseit i ha di gärn gha - o we's mr jitz eigentlech besser geit i weiss - jitz chunnt irgendwo en andere dra 'sch mir gliich - o wenn i immer no chli uf di schtah jitz han i di fasch lieber aus denn won i di gärn ha gha i ha di gärn gha - i hätt d'sunne u dr mond u jede schtärn wo am himu chläbt obenabeghout du hesch mr gfaue u du hesch mr denn gseit i dir o aber denn isch scho lang här sit denn isch när no mänge drhär cho i weiss - jitz chunnt irgendwo en andere dra 'sch mir gliich - o wenni immer nochli uf di schtah jitz han i di fasch lieber aus denn won i di gärn ha gha back to top toucher i flüge gärn i bi geng gärn gflogge knapp überem bode oder ganz ganz höch obe aber irgendeinisch i schwümme i la mi gärn la tribe i mues geng grad nochli witergah i ma nie zlang blibe aber irgendeinisch mir isches gliich mi nimmt's gar nid wunder öbi mau nümm obenabe chume oder undergah i touche mir isch es gliich mi nimmts gar nid wunder öbi mau nümm obenaberirgendeinisch back to top harry klein i bi ir schueu scho nid dr häuscht gsii i ha nume säute aus kapiert i bi bim sechle nie dr schnäuscht gsii u mi pelikan het immer echli gschmiert sit denn sie es paar jahr vergange u mir si es paar chnöpf uf irgendwenn aber i muss säge sit i di kenne isch aus wieder genau eso wie denn näbe dir chumen i mir vor wie dr harry klein das arme schwein wo immer nume so chli näbedrann schteit u hindenachelouft u sis schprüchli seit näbe dir chumen i mir vor wie nüt wenn i mit dir zäme bi den bin i unsichtbar für d'lüt i wett genau so si wie du i wett i chönnt o immer aus erkläre i wett i wüsst o immer über aues bscheid i wett mir fieu nid immer aus so schwäre i wettt i wüsst o immer wie me's richtig seit i bruuche geng die fautsche wörter i drücke immer schlächt mi us gäu du soch mi nume wäg mim körper back to top amerika git's nid das isch d'gschicht vom colombo nid vo däm us dr serie vo eim wo irgendeinisch z'spanie het gläbt u geng echli dr depp isch gsii u nüt het chönne u immer komischs züg verzeut het u sech nüt drbii het dänkt bis ihm einisch eine gseit het: du muesch irgendöppis wärede du muesch öppis us dr mache di nimmt doch niemer ärnscht eso u die meischte lüt hie lachen über di was ch me de so wärde het'r gfragt - was bisch de du i bin e seemaa - het dr anger gseit i fahre mit mim schiff use uf ds meer u chume viu ir wäutschicht ume das tönt sehr intressant - das gfieu mr o het dr colombo gseit - i wirden e berüehmte seemaa u är het's aune lüt verzeut u aui lüt hei afa lache u är het gseit: dir wärdet's gseh u d'lüt heit gseit: du verzeusch sache u är isch häsig worde u d'lüt si vor lache fasch verreckt u är het d'schtadt verla u het sech irgendwo im waud versteckt dert isch'r 13 wuche blibe - 13 wuche i de büsch u d'lüt hei gsuecht u hei sech gschämt u niemer het gwüsst won'r isch u niemer het meh glacht won'r am ne schöne morge wieder da isch gsii hei aui fröi gha u won'r gseit het: bittesehr i han es nöis land entdeckt es ligt dert irgendwo im meer hei aui fröid gha u si nätt gsii u hei äxtra ganz furchtbar ärnschti gsichter gmacht nume dr seemaa us dr erschte schtrofe amerigo vespucci isch si name isch zuefäuig i dr schtadt gsii u het gseit: schön für di aber i gloube dr's nume wenn i's säuber gseh ha u är het sech glii druf uf e wäg gmacht u genau nach 13 wuche um ne tag u eire nacht isch'r ändlech wieder zrügg gsii u d'lüt si au zum hafe abe u dr colombo isch nävmös worde u haub chrank wüu'r het gloge u är het fürchterlichi angscht gha u isch bleich gsii u het nimerem i d'ouge gluegt aber dr vespucci het glachet u isch vor d'lüt häregschtande u het em colombo zuezwingeret u grüefft är heigi's gfunde u dr colombe het fröid gha dass'r ne nid het verpfiffe u het amerigo amgerigo grüeft u d'lüt ehi au oafa rüefe u dr colombo isch berüehmt worde u bis a dsändi vo sine tage isch'r nie so richtig sicher gsii u het sech nie drfür gha z'frage öb's amerika würklech git wüu mit dr ziit si geng meh lüt derthäregange u wieder zrüggcho u hei verzeut u no bis hüt verzeue immer aui ds gliiche u niemer weiss eigentlech meh aus das won'r vorhär scho het gwüsst u aui hei geng ds gliiche gseh u das tönt doch irgendwie verdächtig u schmöckt irgendwie nach drääibuech u nach hollywood amerika git's nid sie hei's gar nie gfunde amerika git's nid das sich nume e gschicht amerika git's nid aues gloge u erfunde amerika gits nid amerika isch nume es grücht back to top i verabschiedemimau Gittaren-Griffe irgendöppis isch passiert öppis isch i's i d'hose i lose drzue aber verschtah tuen i di nümm lue es geit doch jitz scho lang eso mir si doch höchschtens no chli nätt mitenang u im chopf si mr irgendwo bi üsem eigete züg u tüe no chli so wie we gar nüt wär u logisch isch es schwär u villecht git's e grund aber irgendwie chunnts gar nid so drufa wär was u wieso mit si einach a däm punkt acho wo eifach nüt meh chunnt (i gloube iverabschiedemimau) back to top |