Hauptseite Biographie Discographie Sounds Kritik

Super 8
Super 8 (6.3.1999)
  1. cruiser (3.58)
  2. mojito (3.23)
  3. glücklech (3.57)
  4. echo (3.41)
  5. mischtchäfer (3.30)
  6. paris (3.23)
  7. morge gäge mittag (3.01)
  8. 2 jahr (4.20)
  9. so cha me soöppis o säge (3.43)
  10. aues vo mir (4.00)
  11. rue paradis (0.38)
  12. boulevard (3.22)
  13. chimo (3.15)
  14. chaschmi (6.05)


mojito

i ha dummerwiis zwöi meitschi
eis i mim chopf u eis im bett
eis vo beidne wott mi nümme
u ds angere vo beidne wett
das wo mi nümm wott schmöckt nach honig
u ds angere schmöckt mr nümeh so
eis ligt hie bi mir ir wohnig
u ds angere isch vori grad drvo
u i bi säuber blöd i weiss es
aber ich wär doch nie im läbe
mit dere hie hüt nacht zu mir hei
wenn i nid so mänge... aber äbe

jitz han i dummerwiis zwöi meitschi
eis isch no hie - eis isch nümm da
u das wo furt isch wott mi nümmeh
u ds angere wott jitzt gloub o lieber langsam gah

u drbii han i mr gseit i nime nume so ne mojtio
u ne zwöite han i när dänkt nimen i o
u nach em dritte bin i unger däm tisch gläge
u nach em vierte unger dere frou

jitz han i dummerwiis zwöi meitschi
eis isch no hie - eis isch nümm da
u das wo furt isch wott mi nümmeh
u ds angere wott o lieber langsam gah

back to top

glücklech

won'r denn zerschtemau i ihrem kaff het gschpiut
isch sie zmitts i de lüt i dr dunkle haue gschtange
ganz wäg vo sine songs u o vo sire chöne schtimm
u wo's isch fertig gsii isch sie no e chli
vorusse bim usgang hinger dr bühni blibe schtah
zersch si zwee vo dr bänd
när isch är cho
är het se sofort gseh
är isch uf se gschtange
är isch uf se gfloge
sie si ufengang los u scho glii druuf isch'r bi're iizoge
samt sim klavier u mit vierfüf voue bananechischte
u nach eim jahr hei sie ds erschte töchterli touft
u wo ds zwöite isch cho het är ds klavier verchouft
u sini bänd ufglöst un e job bi're grosse wärbeagentur aus texter übercho
är isch erfougriich gsii u är het büglet wie blöd
u scho glii het är viu mehr verdient aus är sech je hätt tröimt
u sie hei sech es schöns hüsli uf em land mit echli umschweung gmietet
u mängisch am aabe - wenn'r ziemli zursou uf em bettrand hocket
de fragt sie ne: gäu du du machsch au das nume wäge üs
u de lächlet är müed u seit: i bi glücklech
u de lächlet är müed u seit: i bi glücklech
u de lächlet är blöd u seit: i bi müud
u när schlaft'r i u sie laat dr tv a
uf telebärn bringe sie gäng sone song
vo're bänd us dr gägend wo're schampar gfaut
u sit drei täg nachelouft
u wo die zerschtemau i ihrem kaff hei gschpiut
isch sie zmitts i de lüt i dr dunkle haue gschtange
ganz wäg vo sine songs u o vo sire chöne schtimm
u wo's isch fertig gsii isch sie no e chli
vorusse binm usgang hinger dr bühni blibe schtah
zersch si zwee vo dr bänd
när isch är cho
är het se sofort gseh

back to top

echo

i ghöre ds echo vo mine gedanke meischtens scho bevor i mr se mache
mi eiget schatte isch afe schnäuer aus ig
i man ihm fasch nümm nache
s'geit aues immer zügiger fürschi
u d'wäut isch es chirschi
wo schrumpft u schrumpft u immer chliner wird
u i bi gäng ungerwängs
i bi gäng ungerwägs
u vorwärts chumen i nid

i wott schlafe - i wott stärbe
mit dir wott i aut u fett u glücklech wärde

i hocke am fänschter u warte bis mini erinnerige ändlech passiere
i schtah vor em schpiegu u schtuune u luege zue wie mini barthaar pressiere
s'geit aues immer zügiger fürschi
u d'wäut isch es chirschi
wo schrumpft u chliner u chliner wird
u i bi gäng ungerwängs
i bi gäng ungerwägs
u vorwärts chumen i nid

back to top

mischtchäfer

i bin e mischtchäfer uf dim fänschtersims u warte bis d' mi inelaasch
d'sunne schiint mr uf e panzer u i mir inn chochet's
i bi langsam ling
i loufe hin u här u wirde ganz närvös u rouke eini nach dr angere
bis mr bitte nümm bös
probier doch über au die bireweiche schprüch won i ha gmacht z'lache
i ha dr nid wöue wehtue
i hätt das aus nid gseit wenn i hätt gwüsst dass dir das sovieu miech
i bin e vouweiche iiversüchtige güggu
i bin e schaluuse siech
i bin e mischtchäfer uf dim fänschtersims u hoffe dass d' mi ändlech gsehsch
d'nacht isch chaut un i bi churz vor em erfriere
i loufe hin u här
mini sole si scho düre
mach mr uf
mach doch ändlech echli mitleid füre
tue doch zuüggschpuele
i würd's gärn nomau probiere
i ha dr nid wöue wehtue
i hätt das aus nid gseit wenn i hätt gwüsst dass dir das sovieu miech
i bin e vouewiche iiversüchtige geissbock
i bin e schaluuse siech

back to top

paris

liechter
won i härechume lüchtet's u blinket's
aues fliesst wie wenn e fium louft
überau lüt
lüt überau
nüt aus lüt überau dies gsicht
überau dini haar
a jedem naselumpe won i fürenime chläben es paar jahr si vrbii isch es ersch we dr fium riist
lärme
us jedem lade tönt's gliich
mir isch's überau z'lut
mir het's überau viu z'viu lüt
vorhär han i dini schtimm ghört
e wöschmaschine drääit wie gschtört i mim gring drääit sech aues im kreis u um di
u was söu i scho hie i re schtadt wo für die wo sech gärn hei man i nid
hei gahn i nid
hie geit's mr einigermasse mies
schissparis

back to top

morge gäge mittag

es isch morge gäge mittag
mini vorhäng si no zoge
szene us däm troum schwirre mr dür d'bire
d'realität isch liecht verboge
wie us em nüt bisch plötzlech da gsii
ohni vorwarnig u schön wie ächt
u i ha gseit: das mues jitz überhoupt nid sii
u du hesch gesit: grad wäge däm wird's villech gar nid schlächt
när han i's eifach mau la flüge
i ha mr überhoupt nümm dänkt
u du hesch mir gnoh wie we nüt wär gsii u i ha's agnoh wien es gschänk
es isch heiss worde im zimmer
u es het gschmöckt wie im ne zoo
u d'wänd si weich worde wie wachs
u die ganzi tapaete isch obenabe cho
u i bi schön froh
i bi schön froh dass es numen e troum isch gsii
gseh wott i di niemeh

back to top

2 jahr

i de erschte zwöi jahr wo mir üs hei kennt
hesch jedesmau we mr zäme hei pennet
so nes märmeli i ne büchse gleit
u mir hei büchse um büchse um ds bett ufgreiht
denn hesch mi aube am morge chuum wöue la gah
u i bi mittag für mittag zum zmittag heicho
e viertuschtung zrügg
für ne haubschtung mit dir
u ggässe hei mr nüt
mir hei üs nie chönne in rueht la
mir hei's nid chönne la sii
mir hei immer öppis gmechet
egau wo mr si gsii
im huus u um ds huus
im chlee
unger dr bueche
uf dr schtäge
uf em sofa
uf em zwätschgechueche
u aues won i gmacht ha
jedes schiit won i ha bige
jede nagu
jedi schrube
jede song won i ha gschriebe
mit auem won i gmacht ha han i d'schtude vertriebe
zwüsche zwöi mau wo mir zwöi zäme si ga liege
i de erschte zwöi jahr wo mir üs hei kennt
hesch jedesmau we mr zäme hei pennet
so nes märmeli i ne büchse gleit
u mir hei büchse um büchse um ds bett ufgreiht
u we d'jitz jedesmau we mr's wieder einisch tribe eis usenimmsch
o we mr ewig zämeblibe
cha dr säge: baby - es wird schwär
die büchse wärde niemeh läär

back to top

so cha me soöppis o säge

gloubsch de du dass die frou wo de mit ere zämebisch
die einzig müglechi dame uf dere wäut für di isch
zuefäuig isch sie ume gsii u zuefäuig het sie di inegnoh
süsch wärsch garantiert bi re angere under d'räder cho
das tönt jitz villech drnäbe aber so cha me soöppis o säge
u jitz het sie di abegwidlet u du dänksch dini wäut geit unger
u scho glii schteit en angeri da u de nimmt di doch die nümm wunger
du muesch das nid eso äng gseh
das chunnt doch nid so drufaa
säg dire aute doch ändlech einisch was sie di aues cha
nimm das doch nid eso tragisch
mann - die angere chätzli warte scho lang
die hocke in honolulu
am ne schöne schtrand im heisse sand
oder z'istanbul am ne swimmingpool oder im chabisland
die fahre z'tokyo u-bahn oder in miami wasserschii
die mache doch schon ihri pfanne warm
für dini figur - chérie
nimm's doch nid eso tragisch tragisch grufti
irgendenagneri wartet uf di

back to top

aues vo mir

aues vo mir
warum nimmsch nid eifach aues vo mir
zapf mi a u suff mi us wie ne bluetegu oder wi ne flädermuus
schteck dini wiise biiser i haus vo mir
aues vo mir
warum nimmsch nid eifach aues vo mir
i bi grüen
i bi blau
i bi schwach u dumm
lue ds schwänzli wädlet mi em hung
nimm nume nimm nimm nume chum nimm
es ghört aues dir
u säg wie lang isch für immer
u wie glii isch jitz oder nie
u was git de das we's jitz immer schlimmer wird
u was blibt mr när no we's vrbii isch
aues vo mir
warum nimmsch nid eifach aues vo mir
aues vo mir
aues dir

back to top

boulevard

i la mir lieber vom nachtläbe la zeichne aus vom knierolf la male
mir geits guet mir dere büle i de hose u mit däm rumpf i dr schale
mir isch es zwüsche de titte vo mim meitschi viu wähler aus uf em titubiud vo dere zitig
u bevor i a mim image afa bügle büglen i lieber wieder vo mäntig bis am fritig
i grinse dr i d'linse
i bi guet im grinse
du chasch mi frage we de öppis wettsch wüsse
i flirte gärn mit em erfoug
das macht mi irgendwie schpitz
aber gvöglet wird nid ohni z'küsse
u das boulevard nimen i nid neineinei
das boulevard nimen i nid neineinei
de bliben i viu lieber hie i däm quartier won i kenne
(hie scchpiut d'musig - hie schiint d'sunne)

back to top

chimo

u schliesslech si mr hie nid aues geboreni gängschter
o wenn i mr nängisch dänke
so nes läbe wär einiges easier aus dieses hie
vergiss dä mit dere hoschziit
i ha würklech z'wenig z'biete
i han e lotoozedu im portmone un e füfliber münz im sack
i ha ke gäud für chleider u ringe
i cha dr nidemau e blueme bringe
i ha null flitter für die wuche
putz dr die hochziit vo dr backe
schliesslech si mr hie nid aues geboreni gängschter
o wenn i mr mängisch dänke
so nes läbe wär einiges easier aus dieses hie
abgseh vo däm hätt i dr muet nid
mit em ne ängu vo dire sorte
dir schliiche schtändig schlange us dim süesse chliine muu
gäng dini kreisrunde sätz
i verschtah mängisch kes wort meh
i bi z'langsam oder z'blöd oder beides u viu z'verwirrt i di
dini wäut isch uf dr angere site
i ga ga schute u du geisch ga rite
we's scho ke schand söu sii we me vo hie chunnt wie ig
aber zrüggmüesse wett i nie
hie häre zrüggmüesse wett i nie
schliesslech si mr hie nid aues geboreni gängschter
o wenn i mr mängisch dänke
so nes läbe wär einiges easier aus dieses hie

back to top

chaschmi

i bi bis hüt no fasch immer allei i mi mantu inecho
u wenn i no einisch es bier wett de hätt i dr's gseit
wie die türfaue hie funktioniere tscheggen i sicher o
u wenn i dr no länger wett zuelose hätt i kes taxi bschteut
mi bruucht's nid hie
mi bruucht's nid hie
mi bruucht's nid hie
du chasch mi gärn gärnha aber mach's für di
lue dini trümmligi pamela gseht o scho müed us
u du hesch immer no nüt z'säge u textisch mi pouselos zue
i ha süsch nüt gäge nes nätts komplimänt aber du bisch e schliimsack
i kenne scho gnue deppe wie di u gnue fründe han i o
mi bruucht's nid hie
mi bruucht's nid hie
mi bruucht's nid hie
du chasch mi gärn gärnha aber mach's für di

back to top