|
echo i ghöre ds echo vo mine gedanke meischtens scho bevor i mr se mache mi eiget schatte isch afe schnäuer aus ig i man ihm fasch nümm nache s'geit aues immer zügiger fürschi u d'wäut isch es chirschi wo schrumpft u schrumpft u immer chliner wird u i bi gäng ungerwängs i bi gäng ungerwägs u vorwärts chumen i nid i wott schlafe - i wott stärbe mit dir wott i aut u fett u glücklech wärde i hocke am fänschter u warte bis mini erinnerige ändlech passiere i schtah vor em schpiegu u schtuune u luege zue wie mini barthaar pressiere s'geit aues immer zügiger fürschi u d'wäut isch es chirschi wo schrumpft u chliner u chliner wird u i bi gäng ungerwängs i bi gäng ungerwägs u vorwärts chumen i nid back to top dr arturo bandini un i es isch schpät am ne donnschtig aabe aber gschpiut wir nüt i hcoke ir chuchi u wo sie isch weiss me nid dr bandini ligt uf em tisch u so zerläse wie n'r isch är isch dr einzig wo mi trööschtet i so 're blaue nacht wie hütt knapp 32 site vor story hei sie 's schön zäme gha u ganz am schluss hätts no einisch fasch ghoue när het sie ne verlaa 223 site minue 32 sii sie am gniete när seit är ändlech jitz weiss i's du bisch es aber sie isch denn leider nümm da das isch e guete schluss für nes buech genau so mues es sii är faart zrügg nach los angeles un i hocke immer no hie i ha ke aanig wo sie isch dr bandini ligt uf em tisch i weiss genau är cha se vergässe i weiss genau dasmau luege mr ii dra arturo bandini un i back to top echo i ghöre ds echo vo mine gedanke meischtens scho bevor i mr se mache mi eiget schatte isch afe schnäuer aus ig i man ihm fasch nümm nache s'geit aues immer zügiger fürschi u d'wäut isch es chirschi wo schrumpft u schrumpft u immer chliner wird u i bi gäng ungerwängs i bi gäng ungerwägs u vorwärts chumen i nid i wott schlafe - i wott stärbe mit dir wott i aut u fett u glücklech wärde i hocke am fänschter u warte bis mini erinnerige ändlech passiere i schtah vor em schpiegu u schtuune u luege zue wie mini barthaar pressiere s'geit aues immer zügiger fürschi u d'wäut isch es chirschi wo schrumpft u chliner u chliner wird u i bi gäng ungerwängs i bi gäng ungerwägs u vorwärts chumen i nid back to top traffik e maa u e frou lige zäme zmitts im chleefäud u sie lüpft ihre rock u är zieht esch d'hose abe d'sunne schiint u es isch schön u warm nume dr see fäut aber sie wei gar nid ga bade sie fö afa schmuuse u jitz gseht me se vo nöcher är het e schnoutz u e roti zunge är küsst se überau u ihre rock rütscht immer höcher jitz küsst'r se bim buuchnabu unge sie schüttlet ihri haar u faat liislig afa schtöhne u ihri länge fingernägu grabe sech i sini blonde haar sie zieht ne zue sech ufe u jitz fö sie afa schwitze me gesht se jitz vo obe u chunnt zersch gar nid druus är ligt im chlee uf em rügge - sie isch obedruff am sitze 's gseht irgendwie no schportlech us jitzt wird's herter lüter schneuer u me gseht's vo aune site hut u haar u himu u e hammond-orgele wo schpiut är chnöilet jitz so haub u sie isch immer no am rite u jitz wird's ziemli wiud u vo obe über ds biud flügen e huuffe farbigi ballön u es paar viicher wo chöi rede finge irgend sone nöie toyota no schön back to top back to top lue zersch wohär dass dr wind wääit sie chunnt vo schtuckishuus u gseet nid schlächt us u heisst lena sie isch nöi ir schtadt u no nid bekannt uf dr szene u dr erscht typ wo're e drink schpändiert weiss e easy job wo tierisch räntiert lena - lue zersch wohär dass dr wind wääit dr hans vo schtans o är isch no nid lang hie trifft e jungi dame u verliebt sech tödlech i die u am morge ligt är allei im bett das isch so zimli aus so sie ihn daglaa hett hans - lue zersch wohär dass dr wind wääit dr fritz - är schteit uf dä schriiner vo hasle-rüegsou gseet mit däm schlitz im chleid no feminiiner us aus d'monroe u nach em erschte tanz sie hei sech drääit u gwunde isch dr schriiner ganz irritiert verschwunde lue doch wohär dass dr wind wääit dr gere scharrt bim ne junge ding us em thurgou u die seit öppe au haubschtung: los i mues mau u sie redt so viu - är cha re fasch nid fouge gere lue doch dere mau genau i d'ouge u lue doch eifach wohär dass dr wind wääit u jitz d'annette - o sie hett problem mit droge nid we sie hett aber we sie se mues bsorge sie laat dr ganz puder uf em tisch la lige u schlaft bi offnem fänschter u ir nacht hetts zoge annette - lue doch wohär dass dr wind wääit back to top mojito i ha dummerwiis zwöi meitschi eis i mim chopf u eis im bett eis vo beidne wott mi nümme u ds angere vo beidne wett das wo mi nümm wott schmöckt nach honig u ds angere schmöckt mr nümeh so eis ligt hie bi mir ir wohnig u ds angere isch vori grad drvo u i bi säuber blöd i weiss es aber ich wär doch nie im läbe mit dere hie hüt nacht zu mir hei wenn i nid so mänge... aber äbe jitz han i dummerwiis zwöi meitschi eis isch no hie - eis isch nümm da u das wo furt isch wott mi nümmeh u ds angere wott jitzt gloub o lieber langsam gah u drbii han i mr gseit i nime nume so ne mojtio u ne zwöite han i när dänkt nimen i o u nach em dritte bin i unger däm tisch gläge u nach em vierte unger dere frou jitz han i dummerwiis zwöi meitschi eis isch no hie - eis isch nümm da u das wo furt isch wott mi nümmeh u ds angere wott o lieber langsam gah back to top i ha di gärn gha i ha di gärn gha u du hesch gärn mis gäud usgä bisch jede aabe uf bärn oder i ds schoppyland u immer die type - i ha jedesmau gmerkt we de wieder hesch gloge mängisch si sie cho lüte u mängisch hesch nid emau ds bett früsch azoge oh meitschi - i ha di gärn gha - i ha glitte wiene hung u ha gliich nüt gseit i ha di gärn gha - o we's mr jitz eigentlech besser geit i weiss - jitz chunnt irgendwo en andere dra 'sch mir gliich - o wenn i immer no chli uf di schtah jitz han i di fasch lieber aus denn won i di gärn ha gha i ha di gärn gha - i hätt d'sunne u dr mond u jede schtärn wo am himu chläbt obenabeghout du hesch mr gfaue u du hesch mr denn gseit i dir o aber denn isch scho lang här sit denn isch när no mänge drhär cho i weiss - jitz chunnt irgendwo en andere dra 'sch mir gliich - o wenni immer nochli uf di schtah jitz han i di fasch lieber aus denn won i di gärn ha gha back to top i schänke dr mis härz d'szene isch e chliini bar irgendwo i dere schtadt u i bschteue e whiskey u hocke irgendwo ab wos grad platz het u luege echli ume wär so umenang hocket aber kenne tueni nimer hie inne überau hocke lüt hinger de schampuschüble geng e frou u e typ u nippe am ne flüte u hange anenanga u rede öppis über nüt u nume i bi allei hie u da wächsletds liecht u hie u da verschwinde wieder zwöi irgendwo u irgendeinisch geit hinde e dunkelblaue vorhang uf hinger em vorhang het's e bühni u uf dr bühni schteit e frou wo i de ungerhose irgendsone schou zeigt i luege so chli zue u i hocke so chli da u gschpüre plötzlich dassi irgend sone hang ufem chnöi ha u dräiie mi um u näbe mir hocket eini won i nie vorhär ha gseh u fragt öbi alleini sig u sie sig o allei u i söu nid überlege u i gfau i're no so u sie wöu eifach echli rede u villecht sött i hie no säge sie gseht schön us - sie isch e schöni mit schöne länge haar u klar bin i närvös worde u klar han i trunke u mit jedem schluck het sie mi no chli schöner afa dünke u nach jedem glas champagner het sie geng no eis wöue u i ha zaut u zaut bis i eifach nümm ha chönne u ha gseit: hey wei mr nid zu mir oder so u sie het gseit: i chönnt di so verwöhne u so ire haub schtung chönnt i cho u jitz säg mr eifach nume no wieviu - säg wieviu - wieviu gisch mr wenn i chume i schänke dr mis härz meh han i nid du chasch es ha we de wosch es isch es guets u es git no mängi wo's würd näh aber dir würd i's gä back to top idiot du hesch gäng plagiert e zwöierchischte funktionieri z'dritt em beschte gäu me muss gäng nume wüsse wie du hesch gseit was machts mini auti heiss solang sie nüt vo de angere weiss u weli isch scho eso blöd wie die we's um chole geit hesch die nie la lumpe u was me nid het cha me pumpe gäu me mues gäng nume wüsse wo furt isch furt u frage choschtet nüt - es git e huuffe blödi lüt u irgend sone depp isch no jedesmau cho du hesch immer bhouptet me cha aus wieder grede - me mues eifach nume drüber rede nume weisch jitz plötzlich nümm so rächt mit wäm u jitz schteisch da du idiot u merksch dass niemer meh so richtig wott u machsch dr i dis hemmli wien es ching dini schnure isch vieliech glich echli gross für sone chliine gring back to top back to top glücklech won'r denn zerschtemau i ihrem kaff het gschpiut isch sie zmitts i de lüt i dr dunkle haue gschtange ganz wäg vo sine songs u o vo sire chöne schtimm u wo's isch fertig gsii isch sie no e chli vorusse bim usgang hinger dr bühni blibe schtah zersch si zwee vo dr bänd när isch är cho är het se sofort gseh är isch uf se gschtange är isch uf se gfloge sie si ufengang los u scho glii druuf isch'r bi're iizoge samt sim klavier u mit vierfüf voue bananechischte u nach eim jahr hei sie ds erschte töchterli touft u wo ds zwöite isch cho het är ds klavier verchouft u sini bänd ufglöst un e job bi're grosse wärbeagentur aus texter übercho är isch erfougriich gsii u är het büglet wie blöd u scho glii het är viu mehr verdient aus är sech je hätt tröimt u sie hei sech es schöns hüsli uf em land mit echli umschweung gmietet u mängisch am aabe - wenn'r ziemli zursou uf em bettrand hocket de fragt sie ne: gäu du du machsch au das nume wäge üs u de lächlet är müed u seit: i bi glücklech u de lächlet är müed u seit: i bi glücklech u de lächlet är blöd u seit: i bi müud u när schlaft'r i u sie laat dr tv a uf telebärn bringe sie gäng sone song vo're bänd us dr gägend wo're schampar gfaut u sit drei täg nachelouft u wo die zerschtemau i ihrem kaff hei gschpiut isch sie zmitts i de lüt i dr dunkle haue gschtange ganz wäg vo sine songs u o vo sire chöne schtimm u wo's isch fertig gsii isch sie no e chli vorusse binm usgang hinger dr bühni blibe schtah zersch si zwee vo dr bänd när isch är cho är het se sofort gseh back to top toucher i flüge gärn i bi geng gärn gflogge knapp überem bode oder ganz ganz höch obe aber irgendeinisch i schwümme i la mi gärn la tribe i mues geng grad nochli witergah i ma nie zlang blibe aber irgendeinisch mir isches gliich mi nimmt's gar nid wunder öbi mau nümm obenabe chume oder undergah i touche mir isch es gliich mi nimmts gar nid wunder öbi mau nümm obenaberirgendeinisch back to top (bitte baby) blib no chli bi mir du muesch doch nid geng so pressiere la die doch eifach mau la sii oder lüt ne doch schnäu a u säg ne dass i i dr türe schtaa u du chönnsch nid vrbii los doch es rägnet ziemli gruusig verpass doch ömu ds nächschte poschtouto gang doch hütt eifach e chlii schpäter u när machsch irgend es theater bis sie froh sii dass d'bisch cho bitte baby blib no chli bi mir baby baby baby deck mi doch no mau zue mit dir lue doch der uss die schwarze wouche u dr wind lüpft üs fasch ds dach hütt isch dr morge blibe lige chumm dr näntig morge isch no gar nid wach bitte baby blib no chli bir mir back to top 7 : 7 es isch schpät am ne donnschtig aabe im februar mir schpile carambole sie hett wiisses pulver i de haar wiisses pulver am puli u die wiisse schteine u jitz nume no eine u dr rot u sie seit was gisch mr wenn'i gwinne mir chunnt nüt i sinn i bi verläge u froh dass zersch dr wiiss abegehit dr rot u mini 2 macht 7 : 0 für mi un'i weiss genau sie ett's äxtra gmacht u sie leit d'schteine uf ds brätt u faht no einisch a u seit du muesch wüsse i ha päch im schpiu u när laht sie mi abe nach schtrich u fade u am schluss han'i genau 2 schteine z'viu 7 : 7 sie seit sie sött eigentlech ga no ds letschte schpiu i schteue uf u schpile a i triffe drnäbe u luege se a u frage se blibsch hütt da wenn'i gwinne sie lachet u seit hesch dr's guet überleit wüu du chasch sicher sii de zielen'i nümme 7 : 7 unentschide isch's nid es isch 7 : 7 für mi back to top redt si no vo mir fragt si ihn ächt o jedesmau won'r härewott wenn'r furtgeit verzeut si hm ächt o jede morge was si tröimt hett i dr nacht wird si bi ihm o so verläge wenn är heichunnt u si am singe isch cha si bi ihm o fasch nid rede we se öppis fertig macht macht si bi ihm o krach wenn'r schpäter chunnt aus är gseit hett macht si bi ihm o zitronegreeme we si bsuech hei nach em znacht u ihri mueter lütet dänk gäng no am sunntig morge früe a ch si's vo ihm o nid inenää wenn'r über se lacht säg verzeut si dr ihri sorge säg grännet si vor dirt u gseet si immer no so schön us u redt di no vor mir säg redt si no vor mir hett si's bi ihm o nid gärn wenn är luegt we si vor em schpiegu schteit hett si sim schnäbi ächt o ne name gä vilech dr gliich wi mim u list si ihm ächt o mängisch im bett irhi gedicht vor u isch'sächt liich oder besser oder nume anders mit ihm säg verzeut si dr ihri sorge säg grännet si vor dir u gseet si immer no so schön us u redt si no vo mir säg redt si no vo mir back to top dr summer isch vrbii dr summer isch vrbii es isch es heisse summer gsii u es isch viu passiert u d wäut drääit sech no geng we me ferie het u gllich verdient un es lüftli geit u d sunne schiint isch ds läbe hie doch gar nid mau so schlimm we me luegt was uf dr wäut so geit u we me list was aus ir ziitig schteit hei mir doch hie nid würklech grund zum gränne solang dr chare louft u dini mannschaft gwinnt u 's öppe für ne nöii schibe längt ligts eigentlech doch no grad eso drinne solang am morge geng e nöiie tag afaat solang no chole chöme we me ds chärtli inelaat solangs es biud git we me ar ferbedienig drückt u solang me aus ma frässe wo me schlückt back to top wägem gäud letscht Nacht bin'i gah penne trotz dr Musig i dr Schtadt denn jedi Bänd wo gschpiut het han'i mittlerwile satt Rock vo Bärn mängisch han'i di gärn es isch gmüetlech jedefaus aber langsam chöme mr die Business-Freaks wo da so umerocke quer i Haus wägem Gäud wägeme lumpige Huuffe Gäud u o d'Frou vom Taschtekünschtler Heiri Biedermaa het mr chürzlech gseit i cha das eifach nümm usschtah i la mi scheide mit Hiuf vo Rächtsaawäut i wott ke Ma wo jede Shit schpieut bi jedem mitschpieut wägem Gäud wägem Gäud wägeme lumpige Huuffe Gäud säg si sie nid wie d'Jeannette wie sie ihri Reize zeigt sie weiss wie sie's mues mache we me so'nes Gschäft aateigt mit schwarze Schtrümpf u Schtrapse u vou Zwiifu qüäut nimmt sie die Herre dermasse uf sech sie macht se völlig kaputt me het scho jeni Lüt bi ihre zur Türe gseh iigah........u warum macht sie das d'Jeannette natürlech wägem Gäud wägeme lumpige goudige glänzige Huuffe Gäud u i schtah hie obe u mache für öich dr Polo gumpe wie'ne Wiude u gröle i ds Migrofono u we du mi jitze fragsch warum u wieso i auer Wäut de muess i eifach ehrlech säge i mache's wüu d'Migros zaut i mache's wägem Gäud wägeme lumpige goudige glänzige Huuffe Gäud back to top flachgleit won'i z'erschtmau zue dr z'Bsuech bi cho es isch '84 im Früehlig gsii am Aafang das flaue Gfüeu im Buuch när hei mr gschpiut bis am Morge früeh i ha nume das gwüsst wo ir Ziitig schteit mit de angere drüber gredt aber nid lang überleit pötzlech schteisch dert was intressiert's di no banali Gfüeu für'ne illegale Ort u jitz liegsch flach sie hei di zwüsche d'Ouge breicht u hei di flachgleit hütt Mittag hei sie's gseit flachgleit am Morge si sie cho u hei di flachgleit use zügle vor afaa du bisch gwachse hesch e Name übercho e guete un'e schlächte es si geng meh Lüt cho Lüt us jeder Szene Lüt vo überau vo irgendwo het me's jedesmau vernoh me isch cho hange cho luege cho drgliiche tue wäg dr Musig wäg em Alk oder nume wäge dir me het di tschegget oder het überhoupt nüt gmacht mänge graue Morge mängi heissi Nacht u jitz liegsch flach sie hei di zwüsche d'Ouge breicht flachgleit hütt Mittag hei sie's gseit flachgleit am Morge si sie cho u hei di flachgleit use zügle vor afaa i ha mi mängisch gfragt wie lang's no geit i ha genau gwüsst dass's nid ewig schteit es het mi fertig gmacht won i's ha vernoh i ha Radio glost u bi mr blöd vorcho i ha nume das gwüsst wo sie dert hei gseit i ha mit em Sämu drüber gredt u dä het ds gliiche gseit häregfahre wän intressiert's jitz no mini banale Gfüeu für ne illegale Ort jitz liegsch flach sie hei di zwüsche d'Ouge breicht u hei di flachgleit hütt Mittag hei sie's gseit flachgleit am Morge si sie cho u hei di flachgleit päng päng du bisch tot back to top edgar d'luft isch dünn da obe sie blast mr ume chopf u i ha chaut wi nes schwein i luege zue dr abe i gsee di genau gsee wi d'bi mir daheim näb dene gruusige nägelichränz näbe mir uf em teppich hocksch es schiisst mi fasch gar nid a uf di erlöösti da z'hocke u dii so müesse z'gsee jitz lütet dini schwöschter a u du grännisch u sie seit: s'hett villech so söue sii was weiss de die scho wi's tuet we's när plötzlech so isch wi's söu sii i has gar nid so ärnscht gmeint es hätt mee so 'ne tragischi schou söue gää i ha no ghört wi de heichunnsch un'i hätt dr chönne rüeffe aber i idiot bi so erchlüpft ab au däm bluet u nör bricht mr no dä schiis schlüssu ab back to top |