Wintertour
Wintertour (1992)
  1. radio svoboda (0.33)
  2. dass es immer no schneit (2.20)
  3. fritz (2.33)
  4. nümm mit dir zämesii (2.22)
  5. i dene jahr (3.17)
  6. bümpliz-casablanca (4.40)
  7. gump (1.55)
  8. edgar (2.30)
  9. elvis (3.40)
  10. senne (3.17)
  11. bis i zrügg bi (2.20)
  12. fisch (4.13)
  13. züri west (3.15)
  14. är het se wöue gseh (1.45)
  15. come-on (2.05)
  16. fritig (2.22)
  17. souhung (0.58)
  18. switchboard susan (2.55)
  19. no time this time (2.39)
  20. (bitte baby) blib no chli bi mir / lue zersch wohär dass dr wind wääit / you can't always get what you want (5.05)
  21. 7:7 (2.20)
  22. heiwäg (3.34)



dass es immer no schneit

i dire losche isch es chaut
d'mieti isch nid zaut
es rägnet oder schneit
es isch 10ni du ligsch geng no im bett
u hesch chopfweh u bisch müed
ds telefon geit
s'isch dr schef wo seit
jitz bruuchisch gar nümm z'cho
u das gieng ja no
aber du bisch truurig win'es saxofon
u sie isch nümm da
jitz housch ihre brief no einisch us em abfau
u setzisch 'ne zäme u lisisch no mau
was de fautsch hesch gmacht
u a was dass es ligt
u sie bringi dr de hütt no dini platte zrügg
u du ligsch wieder ab u wirsch fasch verrückt
wüu ds chüssi no so fescht nach ihre schmöckt
s'chunnt dr aues i sinn
ds lied vor königin
u dass es immer no schneit
u dass dr winter no 3 mönet geit

back to top


fritz

sunntig morge i lige im bett u schlafe no haub u tröime no nätt
bis mi dr räge dür ds offne fänschter weckt
i schl d'ouge uf u ds fänschter zue
u schtige i d'hose u sueche mini schue
u gsee da ligt doch no irgendöpper i mim bett
wär chönnt das sii
was faut dere ii
i überlege aber chume nid druuf
i ga nächer häre u bücke mi
u lüpfe ganz vorsichtig d's duve uf
fritz - nid scho wieder du - fritz
la mi doch in rue - es längt jitz

mittwuch - öppis vor de achte am aabe
i ha mi lieblingsfrou zum znacht iiglade
u jitz sött sie scho genaau
säge mr emau sit öppe e're haubschtung da sii
jitz isch dr riis am arsch
u ds fleisch verbrönnt
u d'fläsche haub läar
u we sie nid glii chunnt hett's nume no blueme u brot
u villech no'nes glas wii
aber im schtägehuus geit d'türe uf
das mues se sii
i ghöre ihri schritt
ghöre se inecho
e schtimm rüeft: hallo
u ir chuchitür schteit dr fritz

fritig nacht - ds konzärt isch verbii
mir sii ar hotelbar u trinke no'ne chlli
u liire über gott u gäud
u es wird schpät wie immer
u gäge morge - es wird scho häu voruss
gan'i zur reception u verlange mi schlüssu
u dr depp grinset:
öii frou isch dosch scho im zimmer
i wanke ufe u dänke das cha doch nid sii
aber d'tür isch würklech nid zue
u won'i inega wird mr aues klar
nid scho wieder - fritz - bitte nid scho wieder du

back to top


nümm mit dir zäme sii

i ha dr telefoniert
ha vorhär lang schtudiert
öb i söu oder nid
u ha glich probiert
du hesch abghoh u i has scho wieder beröit
u irgend e dummi story verzeut
was wosch hesch gfragt
i weis es nid han'i gseit
un'i lüte wieder a
u ha wieder ufgleit
u jitz bisch furt u mi schiissts a
dass i nüt ha gseit wüu i weis
i cha nümm mit dir zäme sii
un'i trinke non'es glas
villech hiuft das
u när no grad eis
u weis glich nid was säge
welli wort - weli reihefoug
u wenn am beschte u warum überhoupt
i weis nume dass i's vorhär nid ha usebracht
weis nume dass'i di hütt gseh zum znacht
u de hocksch vis-a-vis u de luegsch mi a
u de nimmsch mini hand un'i wiess
i cha nümm mit dir zäme sii
denn chan'is nid säge
das lig tnid drinn
das schaffen'i nid
i blibe daheim
i gloube i ha fieber
i gloube mir isch schlächt
genau - i bi chrank - das isch mis guete rächt
i nime ds telefon u wähle ds nummero
das mues sie ja begriffe u da isch sie scho
hallo - i bis no mau - bisch no im gschäft - gottseidank
los - i cha hütt nid wüu i bi ...
.... i cha nümm mit dir zäme sii

back to top


i dene jahr

ir nacht hett's gschneit
aui farbe sii verschwunde
e iis-chaute morge
si renault schteit dunde ar schtrass
är mues jitz los
nimmt dr mantu u geit
u sie wartet no bis dr motor dunde seit dass är furtfahrt
sie luegt zum fänschter us u gschpürt wi chaut dass es isch
u isch froh dass är wenigschtens z'nacht bi're isch
u am wuche-änd
we sie a früecher dänkt chöme're type i sinn
u sie mues lache u isch froh git's jitz nume no ihn
u süsch nümm für sie
sie schüttet kafi nache u blibt no chli hocke
schteckt e zigi a bevor sie dr chlii mues wecke wo no chlaft
sit är i chindergarte geit isch si dr tag dür allei
das hätt sie früecher nid gschafft
aber allei sii isch schön hett sie glehrt i dene jahr
u das isch gar nid wahr
isch aues gar nid wahr
u jitz isch d'szene wieder klar
u ds gäud ligt uf em tisch vom typ mit em renault wo grad gange isch
dr gafi isch chaut u ds liecht isch kaputt
sie hett chaut u isch blutt u allei
alleit sii hett sie glehrt i dene jahr

back to top


bümpliz-casablanca

dr mond dä chääs hanget zwüsche de wouche
mir zwe hange vor dr beiz
u du hesch ds outo dert bir chiuche
mir loufe übere u du seisch
mir chönnte doch no irgendwo härega
mir schtige ii u du hesch plötzlech die idee
u seisch weisch wielang
dass i ds meer scho nümm ha gsee
un'i mues lache u du überleisch u seisch
morn am drüü wäre mr ds nizza
u vo dert chönnte mr ds schiff nöö
bis übere nach afrika
dert verchoufe mr ds outo
u när längt's für ne monet oder zwee
dert bin'i no nie gsii
u casablancatönt doch besser aus bümpliz
u em aute ir bude schribe mr e charte vo dert
är söu nume afa aafa
u nid uf üs warte
äs wärd summer oder herbscht
u casablanca tönt doch besser aus bümpliz
u när sii mr gange
mir sii druff u dranne gsii
mir wäre fasch gange
aber du oder i ha plötzlech gseit es schiist mi aa

back to top


gump (i ha se niemee gsee)

sie het gseit i wott aues mau probiere
nume luege wis tuet u nid mee
einisch wott i's uf jede fau riskiere
nume eiseinzigs mau u när han i's gsee
sit em reschte mau sii es paar wuche vergange
u sie geit geng wieder u sie chunnt nümm los drvoo
un i ha se niemee gsee sit sie zerschtemau isch gschprunge
siet sie zerschtemau isch gschprunge han i nümme vor 're ghört
i ha se nime gsee sit sie zerschtemau isch gschprunge
un i ha nümme vo re ghört
sit sie vo brügge schpringt wie gschtört

back to top


edgar

d'luft isch dünn da obe
sie blast mr ume chopf
u i ha chaut wi nes schwein
i luege zue dr abe
i gsee di genau
gsee wi d'bi mir daheim
näb dene gruusige nägelichränz
näbe mir uf em teppich hocksch
es schiisst mi fasch gar nid a
uf di erlöösti da z'hocke
u dii so müesse z'gsee
jitz lütet dini schwöschter a
u du grännisch u sie seit:
s'hett villech so söue sii
was weiss de die scho wi's tuet
we's när plötzlech so isch
wi's söu sii
i has gar nid so ärnscht gmeint
es hätt mee so 'ne tragischi schou söue gää
i ha no ghört wi de heichunnsch
un'i hätt dr chönne rüeffe
aber i idiot bi so erchlüpft ab au däm bluet
u nör bricht mr no dä schiis schlüssu ab

back to top


elvis

sie seit la mi in rue u tue d'hose wieder zue
wenn är zue're wott
sie drääit sech um u seit mir isch's nid drumm
wüu sie chopfweh hett
sie seit früecher bisch anders gsii
zärtlech lieb u fiin u nid so fett
oder schtang doch mau vor es schpiegu
u frag di was es da no z'rette git
u schnid die cottlett wieder ab
wüu die schtö dr nämlech nid
oder la se drann oder mach was'd wosch
es macht eh ke unterschied
u när schteit sie uf
geit us em zimmer
u leit e platte uf wi geng
uf e elvis schteit sie scho ewig
aber uf ihn schteit sie nümm
me cha säge sie hei's mau schön gha
es isch jaare här aber waar
so mit 14-tägige zungeküss
u nümm us em bett für nes jaar
u dr himu verhange mit ängle
wo gränne vor fröid a irem tribe
u jitz sii d'ängle verschwunde
u si hange da unde
u är weiss dass är nid ma blibe
u me cha säge das isch ganz normau
u es geit aune lüt eso
irgendwenn isch dr ofe us
u irgendweinisch isch zit zum ga
u me cha säge dass aues verbiigeit
u nüt wos git git's für immer
ussert dr elvis - uf dä schteit sie ewig
aber uf ihn schteit si nümm

back to top


senne


e 62er kapitän faart langsam dür d'schtrass
d'beize hei scho ufegschtuelet u am schtadtrand schteit dr faarer uf ds gas
bim asylanteheim wird gschtoppt - u im fond geit ds fänschter langsam uf
un'e abgsageti winchester lärt ds magazin u im heim göh d'liechter us
baanhofsunderfüerig i're vorschtadt - irgendwo im land
e gruppe kaursierti chöpf u jede hett e baseballbat i dr hand
e bleiche typ schteit bi de schliessfächer u wartet - är hett abgmacht für ne deal
jitz nume cool cool - dänkt är - hütt git's gratiszucker - sie delaer isch tamil
mir senne hei's luschtig
mir senne hei's guet
mir ehi chääs u anke
das git üs guets bluet
wonigsbrand bim ne emigrant - irgendwo ir schwiz
u a dr wand schteit KKK u vor em huus brönnt es wiisses chrüz
u dr meier u dr müller u dr moser hei di wiissi maske wieder under ds chüssi gleit
u am nächschte morge gö si ga bügle u fröie sech schtiu - we öppis i dr zitig schteit
mir senne hei's luschtig
mir senne hei's guet
mir ehi chääs u anke
das git üs guets bluet

back to top


bis i zrügg bi

we d'wosch warte bis i zrügg bi
u d'vergisisch warum i ga
we d'verschprichsch dass i cha cho chlopfe
de chumen'i im ne jaar
u we dr himu hütt o grau isch
u we morn dr räge chunnt
i chönnt schwöre dass geschter d'sunne wider schiint
i bi gwüss e schreege vogu
dini muetter hett scho rächt
aber d'zit isch vergässlech
u lang nid gäng so schlächt
u we dr himu hütt o grau isch
u we morn dr räge chunnt
i chönnt schwöre dass geschter d'sunne wieder schiint
wenn i z'rügg bi wird's grad früelig
u näb em schtärne schteit doch e chiuche
der tverschprichen'i dir dass i nieme ga
aber vorusse wird's scho dunku
u bevor dr morge chunnt
mues i wüsse öb i di bis denn no cha ha
d'schtrass hört uf bevor i dert bi
dr wäg isch läng aber nid wit
gi mr no ne nacht u gi mr dis verschpräche mit
u we dr himu hütt o grau isch
u we morn dr räge chunnt
i chönnt schwöre dass geschter d'sunne wider schiint

back to top


fisch

i lige uf mim frotteetuech
schtriiche chli öu uf mini bei
u schpuele ds tape no mau a aafang zrügg
tue d'ouge zue u bi allei
u ds chindergschrei isch plötzlech wit ewägg
u dr lärm vor brügg isch nümm so lut
irgendwo no ds tic-tac vom pingpongtisch
u di bunte fläcke uf dr netzhut
tanze hin u häär
u wärde chlii u wider gross
u mache mi ganz schturm im chopf
u jitz geit d'musig o no los
no einisch 'a hard hay's night' vo aafang aa
u si hockt häre u git mr e kuss
un'i schile se vo unde ufe aa
u si packt zwöi vanillecornee us
u när loufe mr ufe u schtige i fluss
i bi dr fisch u si dr wassermaa
u under dr brügg rüefen'i ihre name u ds echo rüeft zrügg
u si biisst mi i äcke bis i undergaa
si ligt uf mim frottetuech
u mi chopf ligt uf ihrem weiche warme buuch
u macht ds muu uf u d'ouge zue u seit
dr summer isch genau so schöne wie du

back to top


zueri west

mir frässen'üs es loch dür zyt mit üsem tag für tag
es loch wo immer töiffer wird
es ewiegs uf und ab
tröime vo däm blaue schloss
troum vom grosse gäud
bis de ds gfüeu für d'zyt verliersch
tröim regiere d'wäut
modeschou uf em bäreplatz
d'meitschi wärde zeigt
me isch nid viu u schiint drfür
jede schpiut dr heud
es isch mr eifach z'heiss ir schtadt
summer uf dr gass
öppis wo mi use zieht
i ha scho mänge zug verpasst
u wenn'i z'bärn am fänschter schtah u d'sunne grad im meer versinkt
u mis einsame härz schmärzt so fescht
de dänken'i a di
un'es zieht mi schwär zu dir nach züri
ir nacht i lige wach im bett
irgend es gwüsse wo mi plagt
so mängs i mir wo ungwüss isch u so mängi offeni frag
am morge uf em wäg zum job im tram mit frömde lüt
d'sunne wo uf d'zytig schiint aber vor wärmi schpüren'i nüt
u fasch jede aabe
bau jede aabe rock'n'roll
es isch gwüss nid gäng es fescht
fasch jede aabe
bau jede aabe viu z'viu schtimorol
dass d'nümme weisch öb d'scho so aut bisch wie das gsicht wo d'vor dir im schpiegu hesch
es chunnt mr eifach komisch vor
das ganze drumm u dra
mängisch liess'i schampar gärn aues la schtah u fieng vo vorne a
u wenn'i z'bärn am fänschter schtah u d'sunne grad im meer versinkt
u mis einsame härz schmärzt so fescht
de dänken'i a üsi zyt u de tröimen'i vo dir
isch es bärn - isch es basu - isch es ....... züri west

back to top


är hett se wöue gsee

är isch schpät am aabe no i ds outo gschtige
är hett se wöue gsee
hett sini letschte chole für e moscht la lige
är hett se wöue gsee
är hett e grosse boge um si schtammbeiz zoge
är hett se wöue gsee
är hett gas gä
är isch nid gfaare
är isch gfloge
nume wüu är se hett wöue gsee
hett jedi kurve gschnitte
jedi ample ignoriert
är hett se wöue gsee
är hett im garte vor em huus wo sie woont parkiert
är hett se wöue gsee
är hett d'söcke ufezoge
u dr chrage ufeglitzt
är hett se wöue gsee
u churz überprüft öb d'friise no sitzt
nume wüu är se hett se wöue gsee
sie woont im 12te schtock
dr lift isch nid cho
är hett se wöue gsee
är isch inegange
no chli shaky i de bei
är hett se wöue gsee
u sie isch grad am lige aber nid allei

back to top


come-on

es isch schlimm
es isch schlimm sit i nümm vo dir ha ghört
i füele mi drnäbe u benime mi wi gschtört
i sueche di ir schtadt
un'i trinke jedi nacht
un'i weiss nümm witer
un'i füele mi so schwach
come-on
i ha sit tage nümme gässe u schlafe chan'i nid
i wäuze mi im bett u dänke nume no a di
u de hauten'i's nid us
u de lüten'i dr a
u las 100 mau lüte aber du bisch nid da
chumm
bitte chumm doch wieder zrügg un i frage nid warum
i frage nid mit wäm un'i bringe'ne nid um
aber i mues di wieder gseh un'i bruuche di so sehr
u du ghörsch doch zu mir
un'i ghöre doch zu dir
come-on

back to top


fritig

i schta vorusse im räge - es isch 5 vor 10ni
höchschtens bis am 10ni gibe're no - när gan'i
i bi nass bis uf d'hut - es isch chaut wine sou
un'i frage mi wär bin'i de u wo isch die frou
so cha si's vergässe - i la mr's nid la biete
jitz cha si no so flööte - cha si no so wüete
i hole mr e grippe - i hole mr dr blues
i tube hei - bschliesse d'tür - zie ds telefon us
i schtige uf e töff u faare dür d'schtadt
u parkiere vor em schpunte u schtige ab
i bruuche one schnaps oder zwee gäge d'wuet
u ga ine u meine i gsei nid guet
si hockt allei a dr bar - ganz hinde im egge
u wartet uf öpper - dänken'i wüu i's tschegge
i wott wüssw wän si trifft - wott wüsse wär das isch
u hocke schregg vis-à-vis näb dr bar a ne tisch
i bschteue mini schnäps - si hett mi no nid gsee
u dass dä se laat la warte närvt mi no me
i verschtecke mis gsicht hinder ere zitig
u gsee ds fernsehprogramm
shit - hütt isch gar nid fritig

back to top


souhung

i ha gwüsst du bisch e souhung
aber das ligt nid dinn
i ha gwüsst du bisch e souhung
aber das ligt nid dinn
du chasch winsle wie de wosch
aber e fründ vo mir bisch nümm
si hei dr aui gseit mach's doch
i ha dr gseit mach's nid
si hei dr aui gseit machs doch
i ha dr gseit machs nid
du bisch u blibsch u bisch
scho geng e souhung gsii

back to top


(bitte baby) blib no chli bi mir

du muesch doch nid geng so pressiere
la die doch eifach mau la sii
oder lüt ne doch schnäu a
u säg ne dass i i dr türe schtaa
u du chönnsch nid vrbii
los doch es rägnet ziemli gruusig
verpass doch ömu ds nächschte poschtouto
gang doch hütt eifach e chlii schpäter
u när machsch irgend es theater
bis sie froh sii dass d'bisch cho
bitte baby blib no chli bi mir
baby baby baby deck mi doch no mau zue mit dir
lue doch der uss die schwarze wouche
u dr wind lüpft üs fasch ds dach
hütt isch dr morge blibe lige
chumm dr näntig morge isch no gar nid wach
bitte baby blib no chli bir mir

lue zersch wohär dass dr wind wääit

sie chunnt vo schtuckishuus
u gseet nid schlächt us
u heisst lena
sie isch nöi ir schtadt
u no nid bekannt uf dr szene
u dr erscht typ wo're e drink schpändiert
weiss e easy job wo tierisch räntiert
lena - lue zersch wohär dass dr wind wääit
dr hans vo schtans
o är isch no nid lang hie
trifft e jungi dame u verliebt sech tödlech i die
u am morge ligt är allei im bett
das isch so zimli aus so sie ihn daglaa hett
hans - lue zersch wohär dass dr wind wääit
dr fritz - är schteit uf dä schriiner vo hasle-rüegsou
gseet mit däm schlitz im chleid no feminiiner us aus d'monroe
u nach em erschte tanz
sie hei sech drääit u gwunde
isch dr schriiner ganz irritiert verschwunde
lue doch wohär dass dr wind wääit
dr gere scharrt bim ne junge ding us em thurgou
u die seit öppe au haubschtung: los i mues mau
u sie redt so viu - är cha re fasch nid fouge
gere lue doch dere mau genau i d'ouge
u lue doch zersch wohär dass dr wind wääit

back to top


7 : 7

es isch schpät am ne donnschtig aabe im februar
mir schpile carambole
sie hett wiisses pulver i de haar
wiisses pulver am puli u die wiisse schteine
u jitz nume no eine u dr rot u sie seit
was gisch mr wenn'i gwinne
mir chunnt nüt i sinn
i bi verläge u froh dass zersch dr wiiss abegehit
dr rot u mini 2 macht 7 : 0 für mi
un'i weiss genau sie ett's äxtra gmacht
u sie leit d'schteine uf ds brätt
u faht no einisch a u seit
du muesch wüsse i ha päch im schpiu
u när laht sie mi abe nach schtrich u fade
u am schluss han'i genau 2 schteine z'viu
7 : 7
sie seit sie sött eigentlech ga
no ds letschte schpiu
i schteue uf u schpile a
i triffe drnäbe u luege se a
u frage se
blibsch hütt da wenn'i gwinne
sie lachet u seit
hesch dr's guet überleit
wüu du chasch sicher sii
de zielen'i nümme
7 : 7
unentschide isch's nid
es isch 7 : 7 für mi

back to top


heiwäg

drüü vier mau hesch scho gseit gha
i sött hei
aber jitz ersch chunnsch im mantu us em huus
schlasch dr chrage ufe
d'nacht isch chüeu
es faart jitz lang scho kes tram me
d'schtadt isch läär
u du dänksch a morn am morge - s'isch dr gliich
u du machsch di uf e heiwäg z'fuess
es hett chli grägnet u uf dr nasse schtraass
gseet me d'schpiegelig vom schtraasselampeliecht
d'outo glänze näb em trottoir-ran
u uf dr schtraass chunnt jitz no e letschte bsoffne drhär
u luegt di aa vorwursvou
wi we du tschuld wärsch dass d'wäut so suufft
u du loufsch u bisch wieder allei
dini schritt töne unaaschtändig lut
u du fragsch di öb ächt si scho schlaaft

back to top