Aloha from Züri West
Aloha from Züri West
(12.06.2004)
  1. Tribsand (2.56)
  2. Fingt Ds Glück Eim? (3.44)
  3. I Ha Ke Ahnig Wie Me Mit Som'ne Angü Redt (3.11)
  4. Geri Gagarin (3.31)
  5. Zimmerwaud (2.50)
  6. Hula (2.28)
  7. Römer (4.50)
  8. Pünktli (4.04)
  9. Popsong (3.39)
  10. Am Tag Wo Är Isch Gange (2.53)
  11. Mir Hei Üs Troffe Im Ne Garte (3.13)
  12. Schötem (Jaël vs. Lauener) (7.15)



Tribsand

I schtah im Sunneungergang u i bi iignäiht i ne Vorhang wo me düregseht
i wohne im ne Schtummfium inne u söu hie Klavier schpiele u Lieder singe
das bringt's doch nid
i ha afe Schiss vor jedem nöiie Schritt
es het mi immer haub zrügg u haubs zieht's mi nid
u so richtig Fröid a au dem han i nümm
i bi ke Prophet u i bi ke Idiot

aber eine wo am ne guete Tag no merkt was är wott oder was sicher nid
irgend es miesi Skizze in schwarz oder grau
oder 16 Millione Farbe digitau
i gseh ke Ungerschied
öb i jitz o no i n Jury hocke u dumm umeliire
oder no einisch es Tänzli mit dr Schlage riskiere
i ertrinke höchschtens i däm Tribsand i mim Gring
u nei, so richtig Fröid a au dem han i nümm
gloub nie z'lang numen a di
verlier ke Ziit mit däm Blödsinn
hingedrii weiss immer öpper wie

back to top


Fingt Ds Glück Eim?



irgendwenn chunnt me immer a
irgendeinisch geit's gäng wieder witer
du chsch no so töiff ir Sosse schtah
irgendwenn chunnt me immer a
irgendwo geit e Türe uf
viellech nume ganz e schmale Schpaut
öpper schteit uf irgendöppis druf
u irgendwo geit e Türe uf
irgendeinisch fingt ds Glück eim
irgendwo uf em e Parkplatz
plötzlech schmöckt's wieder wie daheim
irgendeinisch fingt ds Glück eim
irgendwenn weisch wär d'bisch
irgendwenn weisch genau wo de häre ghörsch
öpper schteut es zwöits Tassli uf e Tisch
irgendwenn weisch wär d'bisch
irgendeinisch fingt ds Glück eim
irgend an ere Bushautschteu
plötzlech schmöckt's wieder wie daheim
irgendeinisch fingt ds glück eim

back to top


I ha ke Ahnig wie me mit som'ne Ängu redt

I ha ke Ahnig wie me mit som'ne Ängu redt
geit me da eifach mau vrbii u seit hallo
oder isch es besser we me gar nüt drgliche tuet
u flügt eim so ne Ängu we me z'nach chunnt grad drvo
i ha ke Ahnig wie me mit som'ne Ängu redt
i weiss nid wie
i ha no nie im Läbe en Ängu gseh bis hütt
i ha ke Ahnig wie lang sie hie scho ume schteit
un'i weiss gar nid üb das irgendöpis z'tüe het mit mir
sie lüchtet so schön
i ha ke Ahnig wie das geit
u sie luegt mi schtändig a
oder luegt sie ine i mi
oder drdür
i ha ke Ahnig wie me mit som'ne Ängu redt
i weiss nid wie
i weiss es nid

back to top


Geri Gagarin

Dr Geri Gagarin isch dr erscht gsi uf em Mond
im 67i - wo d'Amis no ewig hei Rundine dräiht
i bi säuber drbii gsi
mir hei grad näbedrann gwohnt
dr Geri Gagarin isch dr erscht gsi uf em Mond
sini Landefähre het prächtig glänzt i dr Sunne
uf em Garaschdach obe das biud vergissen i nie
är isch i de Hocheyschoner im Ziitlupetämpo umegschprunge
u är het glachet u gwunke u isch wit furt gsi vo hie
dr Geri Gagarin isch dr erscht Mönsch gsi uf em Mond
dr Geri Gagarin isch dr erscht gsi uf em Mond
dr Geri Gagarin isch dr erscht gsi uf em Mond
dr Geri Gagarin isch dr erscht gsi uf em Mond

dr Geri Gagarin isch hütt no immer am winke
ersch grad vor chruzem ha ne dobe uf em Breischplatz gseh
är het grad zmitts uf dr Chrüzig dr Verchehr dirigiert i de Finke
dr Gerig Gagarin isch hütt gäng no am winke

back to top


Zimmerwaud

I cha nid schlafe
i weiss nümm wie
nächtelang schaffen i drann
aber es glingt mr nie
egau weli Taktik
u weli Schtrategie
i cha probiere wien i wott
funktioniere tuet's nie
i bi ne aute Soudat
uf däm Poschte
ir Mitti zwüsche niene u hie
die hei mi vergässe
zwüsche de Linie la liege
dr Chrieg isch vrbii
i bi aus einzige bliebe
i un' e Chuguschriber
un' es Funkgrät
u die verchehrte Frequänze
irgendwo ir Gägend vo Zimmerwaud
a de eigete Gränze

back to top


Römer

E Schtärn schteit so vieu i weiss immer i dr Mitti
u d'Planete kreise z'ringsetum
u es git meh aus hundert Milliarde Schtärne im Universum
u cirka hundert Milliarde Mönsche hei je scho einisch gläbt bi üs bis hütt
u we jitz e Geischt für jede schteit wo hütt nümm da isch
de git's fasch zwänzg mau meh Geischter aus Lüt
u es längt für jede für ne Wäut für sich alleini
mit em ne chliine Hüsli viellech mit zwöi drüne Zimmer
mit em ne Chieswägli u mit em ne Bänkli näb dr Türe
u dert hocke sie für immer
was für ne himutruurige Gedanke
für immer isch e extrem längi Ziit
i hocke nach dr Büetz immer im Römer
u mache Duzis mit de Lüt

back to top


Pünktli

D'Nacht breitet sech us wie ne Tintefläck
hie dunklet's nie
es wird gäng grad aues schwarz
i hocke hie um die Zit gäng da obe uf em Dach
u luege chli a Himu was die auti Wäut so macht
hütt Nacht
vo hie us gseh gseht d'Wäut gäng schön u blau us
sie schiint jitz chuum meh grösser aus e Gufechnopf
u aues wo mau isch gsi dert schiint itz wit ewäg
u lang vrbii
i gseh di nid
du bisch vo hie us winzig chlii
du bisch nid emau es Pünktli

back to top


Popsong

Das isch dr Schluss vom ene Popsong
rächti Popsongs höre genau so
grad we's di dünkt so chönnt's witer gah
u dr Refrain müesst grad no mau cho
denn isch vrbii mit däm Zouber
u när chunnt ds richtige Läbe
u mir hocke hie uf däm Schpanntepich
u du chasch es nume nid säge
aber dä Song isch gloffe
die Story isch gschriebe
hie chunnt nume no ds Brösmele vo dr Nadle am Schluss vo dr Schibe
vor was wosch mi verschone
i ha scho vieu Schtrübers überläbt
für dass es richtig würd weh tue
da chunnsch eifach es paar Jahr z'schpät
das isch ds Ändi vom ene Popsong
u dä isch perfekt gsi bis am Schluss
die letschti Zile hesch du no z'guet
u när fade mr eifach us

back to top


Am Tag wo är isch gange

Am Tag wo är isch gange het's die ganzi Nacht lang grägnet
är sigi ufgschtange
u heig sech eifach querfäudii vom Acher gmacht
u sider sig'r furt
u niemeh öpperem begägnet
u es weiss niemer won'r isch
u es weiss niemer was'r macht
o win'r heisst schiint niemer z'wüsse
es wott ne niemer richtig kenne
wien'r usgseht weiss me o nid rächt
d'Beschriebige si verschwumme
ziemli gross gsi sig'r seit me (öppen eso)
u irgendeine heig mau öppis mit ihm z'tüe gha
aber dä sig o nümm ume
u das isch aues won'i ghört ha
öppe sövu han i verschtange
es säge aui öppis angers
u niemer het hie rächt es Schimmer
usser dass's grägnet het i dere Nacht denn a däm Tag wo är isch gange
u jitz rägnet's gäng no
aber es wärd' jitz ender wieder besser aus schlimmer

back to top


Mir hei üs troffe im ne Garte

Mir hei üs troffe im ne Garte
evtl. hingerem Zuun
oder isch's im'ene Flugzüg gsii
äuä chuum äuä chuum
d?umgäbig han i vergässe
u die isch o nid eso wichtig
aber du bisch irgendwenn verschwunde
u jitz vermissen i di richtig
i weiss jitz gar nid öb du das verschteisch
oder öb de dänksch i übertribi echlei
mir hei üs einisch gseh u sider füehlen i mi eifach immer fürchterlech allei
wenn dänk'i ändlech öppis angers aus gäng nume a di
wenn i immer nume a di dänke de isch das nüt für mi
es macht mi jedesmau so müed
i chume gar nümm drus
u d'Lüt ir Lobby säge schtändig läck gsehsch du düre us
es het sie Tage nümmeh grägnet
es het sit Wuche nid gschneit
u dr Himu isch ganz klar
u d'Schtrass wit u breit
u ds Läbe hie isch wie ne Schpieufium
i häbe dr d'Outotüre uf
un'i säge luter schöns Züg zu dir
u du seisch schöns Züg druf
chumm mir fahre uf Europa
o we mr dert nid aus verschtöh
lieber no einisch dert nüt verschtah bevor mr hie nümm düregseh
wenn dänk'i ändlech öppis angers aus gäng nume a di
wenn i immer nume a di dänke de isch das nüt für mi
es macht mi jedesmau so müed
i chume gar nümm drus
d d'Lüt im Lift säge schtändig läck gsehsch du düre us
e huuffe Fänschter
e huuffe Vorhäng
i loufe alleini dür ds Quartier
i weiss nid wär mi hie no gärn het
i weiss nid öb mi öpper kennt hie
was luege die o gäng im Fernseh
die si doch doof u dick
i schteue mr vor i wär e Fuchs im ene Zeichetrick
wenn dänk'i ändlech öppis angers aus gäng nume a di
wenn i immer nume a di dänke de isch das nüt für mi
es macht mi jedesmau so müed
i chume gar nümm drus
u d'Lüt i de Läde säge schtändig
läck gsehsch du düre us

back to top


Schötem (Jaël vs. Lauener)

Je t'aime je t'aime
Oh oui je t'aime!
- Moi non plus.
- Oh mon amour...
- Comme la vague irrésolue
Je vais je vais et je viens
Entre tes reins
Je vais et je viens Entre tes reins
Et je
Me re-
Tiens

- Je t'aime je t'aime
- Oh oui je t'aime!
- Moi non plus.
- Oh mon amour...
Tu es la vague, moi l'île nue
Tu vas tu vas et tu viens
Entre mes reins

Tu vas et tu viens
Entre mes reins
Et je
Te re-
joins

Je t'aime je t'aime
Oh oui je t'aime!
- Moi non plus.
- Oh mon amour...
- Comme la vague irrésolue
Je vais je vais et je viens
Entre tes reins
Je vais et je viens
Entre tes reins
Et je
Me re-
Tiens

Tu vas et tu viens
Entre mes reins
Et je
Te re-
joins

- Je t'aime je t'aime
- Oh oui je t'aime!
- Moi non plus.
- Oh mon amour...
L'amour physique est sans issue

Je vais je vais et je viens
Entre tes reins
Je vais et je viens
Entre tes reins
Je me retiens
- Non! main-
Tenant
Viens!

back to top