Haubi Songs (12.01.2008) |
05:55
05:55
Charlotte ig o
d'Nacht isch scho lang vrbii
u dr Morge wott nid cho
i schiele uf ds Display vom Wecker
müed u närvos was i bi
u we ds dritte Füfi abegheit
dänken i ad di
05.55
Charlotte i go
u dass du jitz o grad wach liegsch
u wahrschliinlech irgendwo
vom ne Bett us uf die Wecker luegsch
u Schtunde zeusch wien i
machts für die äuä nid besser
aber mir hiuft das irgendwie
05.55
Charlotte ig o
d'Latärne uf dr Gass göh us
u me gört dr zwöit 12er cho
es faat afa chlopfe i de Leitige
u glii wird's warm im Zimmer
u i setze jitz mau ds Wasser uf
Charlotte für immer!
back to top
Fische versänke
e Namittag im Novämber
dr Himu isch es Geschmier
es braut sech öppis zäme hie
u dr Horizont ertrinkt schier
i hocke im Näbu
ir Chuchi im Egge
u frisse Chummer us Büchse
zwüsche de Zigarette
i hocke u hocke
u dänke u dänke
probiere probiere
Fische versänke
es glingt mr nid
nei es glingt mr nid
nei es glingt mr nid
e Namittag im Novämber
es dunklet scho wieder
d'Ziit vergeit ohni mi
u dr Räschte geit witer sider
i hocke ir Chuchi
im Chopf won i wohne
u suffe Chummer uf Iis
Sauz u Zitrone
i hocke u hocke
u dänke u dänke
probiere probiere
Fische verschänke
es glingt mr nid
nei es glingt mr nid
nei es glingt mr nid
back to top
Ei einzigi Sekunde
üsi Hüue isch papierdünn
mir exischtiere uf guet Glück
bi extrem schwache Quote
irgnd eine dräiht im Rote
u scho flügsch us em Renne
u liegsch dusse im Schotter
ei einzigi Sekunde
u aues isch vrbii
ei enizigi Sekunde
u du erwachsch im däm Zimmer
u aues hanget am ne Fade
u dr Zuefau schnippt mit em Finger
u dr Früehlig schteit vor dr Türe
im Schnee
back to top
Haubi Songs
Haubi Songs wie Revouverheude
bi mir daheim uf em Sofa
suufe Tequilla am Namittag
i blagiere mit haube
Schtrofe
u fuchtle mit de Pischtole
u scheniere sech nid im gringschte
u gseh sech scho haub i de Singlecharts
die haube songs sie Schlimschte
haubi Songs wie Revouverheude
hie droht schtändig e Schiesserei
sie liege im Gang u im Schtägehuus
u i wage mi afe gar näumm hei
i jedem Egge luuret irgend e Zedu
irgend e haubi Idee
wp wett wüsse wie's witer geit
u jede Tag wärde's meh u meh
dä hie gett sech hinger em
Chüeuschrank verschteckt
i irgend einisch schpät i dr Nacht
het'r uf ds mau sini Knarre zoge
aber i ha ne fertig gmacht
haubi Songs wie Revourverheude
bi mir daheim uf em Sofa
suuffe TEquila am Namittag
u glabiere mit haube Schtrofe
u sie fuchtle mit de Pischtole
u scheniere sech im gringschte
die gse sech scho au i de Singlecharts
die haube Songs si am schlimmschte
back to top
Johnny & Mary
dr Johnny secklet immer drvo
solagng irgendwo no nes Lichtlie brönnt
är brucht die haubi Schtadt wo ihm
schtändig verzeut är sig hie nid für nüt
u sie zeut daheime d'Wände
sie weiss genau dä chunnt de scho
dr Johnny seit i weiss wär i bi
u das Gliir vo de Lüt han i längschtens ghört
u sie seit är änderi d'Meinig afe
flissiger aus ihri Schwoscht
u sie schtriicht ihm über ds Gsicht
u luegt öb irgend e Fium afaat
se Johnny tröimt vo uf u drvo
u vo wiude Rössli u so u wohi isch gliich
är würd am liebschte überau häre
su Horizont isch dr Himu
sie schträut sech ihri Haar
sie het's jitz scho es paar mau ghört
d'Mary hocket meischtens uf ds Muu
u mängisch weiss sie chuum meh
was sie säge söu
är reagiert jedes mau
aus hätt me ne grad verwütscht
u när seit sie aube nüt
a är seit när aube o nümm vieu
dr Johnny secklet immer drvo
solagng irgendwo no nes Lichtlie brönnt
är brucht die haubi Schtadt wo ihm
schtändig verzeut är sig hie nid für nüt
u sie zeut daheime d'Wände
sie weiss genau dä chunnt de scho
dr Johnny secklet immer drvo
back to top
Schiff im Sand
i bin es Schiff im Sand
zmitts i dr Wüeschti
vertröchnets Land
u irgendwo kreise d Geier
i luege wit u breit
niene e Wäue
aus hie schteit
schtiu
i singe mis letschte Lied
uf mini SIM-Charte
z'Oute am Bahnhof
i ha gwartet u gwartet
aber när isch nüt cho
es het nume chly gluftet
u höch über de Gleis
chreise d Geier
i bin es Schiff im Sand
irgendwie hie gschtrandet
u dr Schatte wird grösser
dr Vogu landet
u itz plötzlech e Wäue
u itz faats afa Winde
u i mache d'Leine los
gäu mir sie Fründe
(chumm mir si Fründe)
i bin es Schiff im Sand
zmitts i dr Wüeschti
vertröchnets Land
u irgendwo kreisde d Geier
i luege wit u breit
niene e Wäue
aus hie schteit
schtiu
back to top
26 Schtung oder zwe
I bi erwachet hüt am Morge u ha gd der Sunneungergang gseh
I chönnt nid sägä öbi 26 Stung lang bi furt gsi oder zwe
Aber am Wasser bini gsässä wo um d Stärne ume fliesst
Ig ha dr Rägeboge-Klipper gseh u aui Luftschiffer grüesst
Ig chume verbi
zum checke i welem Zuestand, dass mi Zuestand chönnt si
Ig chume nume verbi
zum checke i welem Zuestand, dass mi Zuestand chönnt si
Ig chas nid richtig beschriebe, aber mir isch plötzlech aues verrütscht
Ig ha di heilig Rythmus afa gspüre u ä Schluck vom ewige äther
verwütscht
U ig bi mit Flügu ade Sole über d Miuchschtrass gloffe
U ig ha d Lucy u dr Hirschi u dr gross wyss Haas atroffe
U ig chume verbi
zum checke i welem Zuestand, dass mi Zuestand chönnt si
Ig chume nume verbi
zum checke i welem Zuestand, dass mi Zuestand chönnt si
Ig ha ke Ahnig was das gsy isch u wohär dasses isch cho
U öbmes villich irgendwo chönnt choufe u dr Priis hättmi wundergno
U wrum, dass d Sunne so rot isch u mini Bire so surrt
U öbs am Chäs oder am Brot ligt oder a mim Schlangelädergurt
Ig chume nume verbi
zum checke i welem Zuestand, dass mi Zuestand chönnt si
I bi erwachet hüt am Morge u ha gd der Sunneungergang gseh
I chönnt nid sägä öbi 26 Stung lang bi furt gsi oder zwe
U wieso, dass d Sunne so rot isch u mini Bire so surrt
U öbs am Chäs oder am Brot ligt oder a mim Schlangelädergurt
Ig chume nume verbi
zum checke i welem Zuestand, dass mi Zuestand chönnt si
Ig chume nume verbi
zum checke i welem Zuestand, dass mi Zuestand chönnt si
I welem Zuestand, dass mi Zuestand chönnt si
back to top
Vo Tier u vo berüehmte Mönsche
Uf sim Pult schteit es Mikrofon
u dr Biudschirm schteit lings drvo.
Ufem Schirm blinkt äs Nummero
vom nächschte Zug wo sött ine cho.
Ufem Gleis woner iifahrt druf.
ä Zieubahnhof, Akunftsziit.
U irgendwo hets e rote Chnopf,
wo e Drüklang uslöst, wener ihm einä git.
Wener sini Aasag dürd Haue schickt,
uf änglisch, uf franz u dütsch,
de giter sire Stimm ä gäng chli äxtraluft.
Wüuer z' Gfüeu het es tönt so hübsch.
U am viertuvor füfi ischer fertig mit dr Schicht
u när loufter düre Bahnhof denä Lüt entgägä.
U wener iz ä Maske hät vo irgendemne Gsicht,
wo dr glich Job hät wie är aber drzue no es Läbä.
De wär das dr Moment (de wär das dr Moment),
wonersech so eini würd wünsche.
Aber Maske gits nume vo Tier... u vo berüehmte Mönsche!
U am viertuvor füfi ischer fertig mit dr Schicht
u när loufter düre Bahnhof denä Lüt entgägä.
U wener iz ä Maske hät vo irgendemne Gsicht,
wo dr glich Job hät wie är aber drzue no es Läbä.
De wär das dr Moment (de wär das dr Moment),
wonersech so eini würd wünsche.
Aber Maske gits nume vo Tier... u vo berüehmte Mönsche!
Aber Maske gits nume vo Tier... u vo berüehmte Mönsche!
back to top
Kireg & Frieda (Havarie I)
D Linie zwüsche Liebi u Hass isch nume dünn
U bi üs gits die gli nümm - si wird immer dünner
U was früecher ä Maske isch gsy, isch itz dis Gsicht
ä regigslosi Schicht - mit dir drhinger
Mir chöme eifach nid witer
Mir loufe jedesmau uf Grund
Wäg jedem harmlose Gwitter
Dr chlinschte Wäue wo chunnt
D Linie zwüsche Liebi u Hass isch nume dünn
U bi üs gits die gli nümm - si wird dünner u dünner
Aber immerhin... aber immerhin
back to top
Es Blatt im Wind
i rite uf däm Chromross
i weiss no nid wohi
aber d'Schtrecki wird grösse
wo zwüsche di chunnt u mi
es het is nüt meh zäme
un'i weiss du gschpürsch es o
üses Füür isch verlosche
u d'äsche schtübt drvo
u i wott das aus hinger mr la
es git so vieu won i nor vor mr ha
viellech ligt's am Klima
viellech isch es numen e Wahn
aber i bruche früschi Luft
u dr Gsang vor Outobahn
du chasch säge es sig en Usred
u du chasch säge es sig nid recht
aber i cha nid di Härzbueb sii
u nid di Schtifuchnächt
i bi nid dä wo du muesch ha
du bruchsch eine wo d' di chasch druf verla
i bin es Blatt im Wind
u wenn är rüeft de mues i gah
wenn är rüeft de mues i gah
wie ne Pilger mues i witer
u mängisch tuet's mr weh
aber wenn i länger blibe
de zieht's um so meh
u isch d'Liebi nid wie ne Cherze
sie brönnt abe u wird chlii
i bin es Blatt im Wind
un'i dänke vieu a di
i gah mi Wäg u du muesch dine gah
es git so vieu won i no vor mr ha
i bin es Blatt im Wind
u wenn är rüeft de mues i gah
i bin es Blatt im Wind
u wenn är rüeft de mues i gah
wenn är rüeft de mues i gah
back to top
Schpinnele okay
esch isch Herbscht worde im Garte
u es wird langsam chaut dert uss
u d'SChwaube flüge gäge Süde
u d'Schpinnele wei i ds Huus
u i mache ne ke Vorwurf
söue sie cho we sie wei
bi mir het's längschtens Platz für die
u i finge d'Schipinnele okay
i ha no nie öppis gäg die gha
nid emau aus Ching
i ha auber ender Schiss gha vor de Lüt
u vor de lute Hüng
aber d'Schpinnele si ir Ornig
i weiss gar nid rächt wieso
viellech bin i einisch säuber eini gsii
wär weiss das scho
bi mir chöi sie's chli gmüetlech näh
we dr Wind vorusse geit
viellech wenn i jitz e Mugge wär
hatt i mr's no einisch überleit
aber so wie d'Sache liege
gsehn i ke Grund wieso
i finge d'Schpinele okay
die söue nume cho
back to top
Chinasky
Mi Kolleg dr Chinasky, en achztjährige Schpinner,
het sech hinger üsem Huus e chliini Wärchstatt boue
u we ne d Frou aube närvt hockt er meischtens dert inne
u nuuschet irgend öppis u sortiert sini Schrübli
u lost dr ganz Tag huere lut Radio
u het immer wieder irgend es Projektli am Schtart
oder irgendöppis z'tüe oder tuet ömu so.
Geschter Vormittag, i bi ne wieder mau go bsueche,
u ha ne gfragt öb i schnäu chönn sini Bohrmaschine ha,
het er gseit är müesi ufe, die sig ir Chuchi am umechifle
u i ha gseit "Was i dr Chuchi?", u da hie lig si ja.
Aber är het's nid rächt verstande u no einisch gfragt was,
u i ha grüeft "Bohrmaschine" u är het gseit säg doch das
u är heig vori nume ds Gfüeu gha i heig d Reier-änte gmeint
u i ha gseit, nei die chönn er bhaute das sig nid das woni wöug.
Mi Kolleg dr Chinasky, dä aut huere Spinner
chasch ne nümm richtig bruche
u glich trückt er immer
au die fischtere Wouche uf d Site.
Mi Kolleg dr Chinasky, dä aut huere Spinner
chasch ne nümm richtig bruche
u glich trückt er immer
au die fischtere Wouche uf d Site.
Mi Kolleg dr Chinasky, dä aut huere Spinner
chasch ne nümm richtig bruche
u glich trückt er immer
au die fischtere Wouche uf d Site.
Au die fischtere Wouche uf d Site.
Au die fischtere Wouche uf d Site.
Au die fischtere Wouche uf d Site.
back to top