(bitte baby) blib no chli bi mir
du muesch doch nid geng so pressiere
la die doch eifach mau la sii
oder lüt ne doch schnäu a
u säg ne dass i i dr türe schtaa
u du chönnsch nid vrbii
los doch es rägnet ziemli gruusig
verpass doch ömu ds nächschte poschtouto
gang doch hütt eifach e chlii schpäter
u när machsch irgend es theater
bis sie froh sii dass d'bisch cho
bitte baby blib no chli bi mir
baby baby baby deck mi doch no mau zue mit dir
lue doch der uss die schwarze wouche
u dr wind lüpft üs fasch ds dach
hütt isch dr morge blibe lige
chumm dr näntig morge isch no gar nid wach
bitte baby blib no chli bir mir
back to top
bhauts eifach für dii
irgend es hotel
irgend es zimmer
irgend e schtadt irgendwo
viu nöii näme
viu nöii gringe
los i ha fröid bisch wieder cho
verzeu mr nid dass d'einisch schpät ir nacht
no chlli mit eim bisch zäme gsii
bhauts eifach für dii
bhauts eifach für dii
es intressiert mi nid
u we 's di plaaget u dr uf em härz ligt
bitte bhauts doch eifach für dii
es intressiert mi nid
tue doch d'ouge uf
mir läbe i're wäut wo nümm viu zämeschpiut
u dini chliine verbräche sii doch nid do wiud
i ha nid glitte
i hätt nid gwüsst warum
i bi allei gsii nängi nacht
aber jede tag het 24 schtung
u gschlafe han i nume 8
es git so mänge schöne platz ar sunne
so mänge egge ohni dii
bhauts eifach für dii
bhauts eifach für dii
i bhaute mini gheimnis o für mii
back to top
es hätt es eelechs lied gä
mir isch es glas vou wii vou i d'schribmaschine gheit
u jitz bringt sie's nümm uf d'ziile
wüu jitz isch sie ziemli breit
es überschlaat se bi jedem aaschlag wüu sie 's eifach nid vertreit
mir isch es glas vou wii vou i d'schribmaschine gheit
es hätt es eerlechs lied gä
eis won i ändlech hätt gseit
was mr passt u was mr egau isch u was mr uf e wecker geit
i hätt e rundumschlag gmacht
i hät uf niemer rücksicht gno
u do dr hingerletscht schiiser hätt es schtrofe übercho
i hätt besunge was aui dänke aber nid chöi erkläre
dass dr schpringsteen u dr dylan müedi fürz drgäge wäre
i hätt ds unrächt bim name gnennt
u die wahre heude prise
i hätt nech auene zeigt wo's düre geit
i hätts aune bewise
mir sich es glas vou wii vou i d'schribmaschine gheit
u jitz bringt sie's nümm uf d'ziile
wüu jitz isch sie ziemli breit
es überschlaat se bi jedem aaschlag
wüu sie's eifach nid vertreit
mir isch es glas vou wii vou i d'schribmaschine gheit
es hätt es liebeslied gä
i hätt nid gschpart mit mine gfüeu
i hätt beschribe win i's gärn hätt
u hätt verrate was mr gfieu
i hätt mi ändlos im ne lobgsang uf d'wiiblechkeit verloore
u im refrain hätt i d'liebi d'luscht u d'lideschaft beschwore
es hätt es eerlechs lied gä
eis won i ändlech hätt gseit
was mr passt u was mr egau isch
u was mr uf e wecker geit
u jitz hocken i da u dr tisch isch dvroo gloffe
u ds papier isch ertrunke
u d'schribmaschine isch bsoffe
back to top
ghürate ha se nume wüu sie gliich usgseet wie du
gloub nume nid dass sie mr denn hätt gschwore si wöu mi ewig gärn ha
wie du i dere nacht denn wo d'mi zerschtemau hesch zue dr gnoo
es isch mee dr mond gsii wo so häu uf ihres gsicht het gschune
u wie sie gluegt het wo sie het gseit i söu doch no chli zue're cho
ghürate ha se nume wüu sie gliich usgseet wie du
wenn i denn nid überau dis gsicht hätt gsuecht
hätt i se villech nie im läbe gfunde
u we du denn nid eifach gange wärsch
wüsst i bis hütt no nid was liebi heisst
u o wenn i dr denn no nid ha gloubt wo d' mr hesch gseit
i vergässi di de scho
ghürate ha se nume wüu sie gliich usgseet wie du
aber jedesmau we du hättsch glachet über mi
seit sie chumm mir probieres grad no einisch
u jedesmau we du hättsch düreträäit seit sie vergiss es
i ha dr scho vergää
u o wenn i dr denn no nid ha gloubt wo d' mr hesch gseit
i vergässi di de scho
ghürate ha se nume wüu sie gliich usgseet wie du
back to top
bi üs im quartier
i weiss nid wie sie heisst
un i weiss nid was sie macht
aber i weiss genau warum dass sie immer eso lachet
u luegt u wieder wägluegt
u so tut wie we gar nüt wär
du gwöönsch di a viu we d' so bekannt bisch wie n'i
me weiss wie n'i heisse
frou weiss wär i bi u säuber kennsch se nid
oder weisch de ömu nümm wohär
aber mir isch das egau
i bi nid eine wo's mues ha
i drücke d zigi us u lache so sympatisch wie n'i cha
u schta uf u loufe locker zue 're übere
u bschteue zwöi bier
u sie seit i ha 's doch gwüsst
i ha lang überleit
aber jitz isch aues klar
jitz isch ds 20i abegheit
i weiss du bisch dä typ vo dere tankschteu
bi üs im quartier
back to top
abspann
d musig het fertig gschpiut
chum es isch doch nume haub so wiud
die hei genau gwüsst wie 's louft
für die isch dä doch jitz gkouft
lue i de fänschter gö d liechter us
hesch de du ds gfüeu gha die warte druf
u gloubsch no geng dass 'se wunder nimmt
die beschtimme allei was schtimmt
chum für die isch doch die gschicht vrbii
lue mau wie läär dass d gasse sii
los mau wie schtiu dass es isch
jitz wo d ' allei bisch
wenn bisch ds letschte mau allei gsii
lue dert obe ziiet dr mond vrbii
die haubi schtadt schlaft vor em fernsee i
ds ändi von schtreiffe ch ne gschtole sii
back to top
hütt hei sie wieder mau gwunne
dr schlusspfiff isch pfiffe
im schtadion isch's schtiu
u dr räng sii läär
u ds flutliecht hei sie glösche
e letschte schourni hockt no da
u hacket no die letschte ziile i computer
u dr platzwart isch am wüsche
u däne uf em parkplatz sii sie immer no am horne
u die letschte gäube fahne wääie ar tramhautschteu vorne
u vllech hei sie o chli schwein gha
zersch dä freischtoss u när am mini sini schwaube
zwe pünkt sii villech glücklech aber eine wär zweni
u verdient hei sie uf au fäu angerhaube
u villech git's es gwitter u villech schiint morn d sunne
u die einte chöme witer ufe u die angere bilbe dunge
aber hütt hei sie wieder mau gwunne
back to top
dr arturo bandini un i
es isch schpät am ne donnschtig aabe aber gschpiut wir nüt
i hcoke ir chuchi u wo sie isch weiss me nid
dr bandini ligt uf em tisch
u so zerläse wie n'r isch
är isch dr einzig wo mi trööschtet
i so 're blaue nacht wie hütt
knapp 32 site vor story hei sie 's schön zäme gha
u ganz am schluss hätts no einisch fasch ghoue
när het sie ne verlaa
223 site minue 32 sii sie am gniete
när seit är ändlech jitz weiss i's du bisch es
aber sie isch denn leider nümm da
das isch e guete schluss für nes buech
genau so mues es sii
är faart zrügg nach los angeles un i hocke immer no hie
i ha ke aanig wo sie isch
dr bandini ligt uf em tisch
i weiss genau är cha se vergässe
i weiss genau dasmau luege mr ii
dra arturo bandini un i
back to top
herrgott
he hör doch uf mit dere gschicht
vergiss es doch
es bringt doch nüt
mir chöi doch süsch chli zäme brichte
mir chöi doch no chli under d lüt
du machs di doch säuber fertig
du trääisch di doch scho lang im kreis
un i chas jitz de glii nümm ghöre
herrgott hör doch uf
i weiss du hättsch es villech mit de viicher
eifach söue la bewände
chum jitz trink doch nid so viu
was hesch de jitz scho wieder chummer
jitz gits ja würklech nümm viu z rette
u när gits ändlech rueh da unge
mach dr doch nid geng die vorwürf
du trääisch di doch scho lang im kreis
un i chas jitz de glii nümm ghöre
herrgott hör doch uf
i weiss du hättsch es villech mit de viicher
eifach söue la bewände
hör doch jitz uf mit dere gschicht
dadrann gits nümm umezschtudiere
du chöntsch doch öppis anders mache
du chasch ja öppis nöis probiere
mach dr doch nid geng die vorwürf
du trääisch di doch scho lang im kreis
un i chas jitz de glii nümm ghöre
herrgott hör doch uf
i weiss du hättsch es villech mit de viicher
eifach söue la bewände
back to top
nei säget söue mir
nei säget söue mir vo nüt me andrem tröime
mir wo müesse läbe i de gottvergässne schtedt wo me uf em trottoir louft u we me über d schtrass wott
mues warte bis me vom ne grüene liecht d erloubnis het
u we me 's nid so macht de wird me überfaare
isch das dr ändpunkt vor entwicklig vo füftuusig jaar
nei säget söue mir vo nüt me andrem tröime
mir wo müesse schaffe i re gottvergässne schteu
wo me wi nes redli louft i re maschine
wo nimer überluegt u wo eim gseit wird was me söu
u we me nid geng ufpasst wird me überfaare
isch das dr ändpunkt vor entwicklig vo füftusig jaar
nei säget söue mir vo nüt me andrem tröime
aus beschtefaus vo ferie 14 tag lang am ne meer
wo me kriminauromän list under de paume
für z gsee wie 's wär we ds läbe intressanter wär
bis dass me schliesslech froh isch weider heizue z faara
isch das dr ändpunkt vor entwicklig vo füftusig jaar
nei säget söue mir vo nüt me andrem tröime
aus säuber einisch z wärde wie die bessere here wo
e swimmingpool im garte hei u uf safari gö
solang sie no ke härzinfarkt hei übercho
solang sie mit em merzli no i ke boum sii gfaare
isch das dr ändpunkt vor entwicklig vo füftusig jaar
back to top
gump (i ha se niemee gsee)
sie het gseit i wott aues mau probiere
nume luege wis tuet u nid mee
einisch wott i's uf jede fau riskiere
nume eiseinzigs mau u när han i's gsee
sit em reschte mau sii es paar wuche vergange
u sie geit geng wieder u sie chunnt nümm los drvoo
un i ha se niemee gsee sit sie zerschtemau isch gschprunge
siet sie zerschtemau isch gschprunge han i nümme vor 're ghört
i ha se nime gsee sit sie zerschtemau isch gschprunge
un i ha nümme vo re ghört
sit sie vo brügge schpringt wie gschtört
back to top
dr summer isch vrbii
dr summer isch vrbii
es isch es heisse summer gsii
u es isch viu passiert
u d wäut drääit sech no geng
we me ferie het u gllich verdient
un es lüftli geit u d sunne schiint
isch ds läbe hie doch gar nid mau so schlimm
we me luegt was uf dr wäut so geit
u we me list was aus ir ziitig schteit
hei mir doch hie nid würklech grund zum gränne
solang dr chare louft u dini mannschaft gwinnt
u 's öppe für ne nöii schibe längt
ligts eigentlech doch no grad eso drinne
solang am morge geng e nöiie tag afaat
solang no chole chöme we me ds chärtli inelaat
solangs es biud git we me ar ferbedienig drückt
u solang me aus ma frässe wo me schlückt
back to top